بلوچستان نا ہند بولان و ایب کیب نا ہند آ تیٹ پاکستانی لشکر بھلو کیچ ئسیٹ لشکر کشی نا بناء کرے ، ہیلی کاپٹر آتیٹ جتاء جتاء انگا ہند آ تا شیلنگ و میزائل فائر کننگ ءُ ، زمینی لشکر مارٹر گولہ فائر کننگ ءِ ۔
ہندی حوالکار آ تا رد ئٹ اینو سُہب ئنا مالو پاکستانی لشکر ہرنائی نا جتاء انگا ہند میاں کور ، جمبرو و ایب کیب ئٹ لشکر کشی کننگ ءُ ۔
ہندُن سبی و بولان نا ہند سانگان ، بزگر ، لاکی ، لکڑ و ایب کیب ئٹ بھاز ہیلی کاپٹر آ تا ہن و بر برجا ءِ ہندا وخت تراک آ تا توار ہم بننگانے ۔
گْوادر و کیچ نا نیامی مَش، دڑامب تون اوار پکیلو ، بگانی کور ، تلاپی ، جورکان تون اوار دیر تہ کسر تہ پاکستانی لشکر مورچہ تفنگ تون توار لشکر کشی کننگءُ بلکن او کیمپ خلیسہ ہفتہ سے آن تولوک ءُ ۔ ایلو نیمہ آ زمینی لشکرئے جنگلی ہیلی کاپٹر تیتون اوار ڈرون و جاسوسی جہاز آ تا کمک ہم تُدءِ ۔
