بلوچستان لبریشن فرنٹ نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ مستونگ ئٹی ریاستی ایجنٹ و ڈنڈار ئٹی لشکری کارندہ آتا جلہو نا ذمہ واری ئے ہرفک۔
17 فروری آ سرمچار آک ضلع کیچ ئنا ہند ڈنڈار بندء ملک نا ٹک آ پاکستانی لشکر آ مُست سنگر ہلیسہ جلہو کریر۔
قوضہ گیر لشکر نا اِرا موٹرسائیکل آتا سوار چار کارندہ آتے نشانہ کننگا۔ سخت انگا جلہو ئٹی اِرا کارندہ خلنگا و اِرٹ ٹپی مس۔
16 فروری آ مستونگ ئٹی ڈاکخانہ نا خُڑک ریاستی آلہ کار چئیرمین یونین کونسل کھڈ کوچہ سردار عبدالقیوم شاہوانی آ سرمچار آک چغلی بمب خسار۔ہندا بندغ قوضہ گیر نا اسہ ایجنٹ ئسے و دا ہنداتیٹی بلوچ جہد آجوئی نا برخلاف پاکستان لشکر تون کُمک کننگءِ۔دا وڑ انگا بندغ آک ننا نشانہ ٹی ءُ ارا بلوچ نسل کشی و انسانیت نا برخلاف جرم تیٹی پاکستان تون کُمک کننگءُ۔
