دے ٹکی افغانستان ئٹی تُرند آ برف آن پد لینڈ سلائیڈنگ آن کم آن کم 25 بندغ بیران مس ۔
قدرتی آفات نا ذمہ دار ملکی وزارت نا رِد ئٹ لینڈ سلائیڈنگ آن کیہی بندغ آک ٹپی مسُر ۔
ملکی پائتخت کابُل آن دوشمبے 19 فروری آ رسینگوک آ رپورٹ آتا رِد ئٹ ڈیزاسٹر مینیجمنٹ نا ذمہ دار افغان وزارت پارے کہ دا تُرند آ برف پاکستان نا سرحد آن دے ٹکی صوبہ نورستان ئٹی مس۔
خبر رسان ادارہ اے ایف پی نوشتہ کرے کہ افغان وزارت نا جارکش پارے کہ تُرند آ برف آن پد لینڈ سلائیڈنگ یک شمبے 18 فروری نا شام آ مس ۔
دا لینڈ سلائیڈنگ آن صوبہ نورستان نا وادی تتین ئٹی خاص کر نکرے پنی آ میتہ ٹی لِچ ، برف و خل ئنا سلائیڈنگ مسس ، اراڑان دا کُل میتہ ئے نسخان مس ۔
