اسلام آباد ہائیکورٹ ئٹی بلوچ خوانندہ آ تا آجوئی کیس ئنا سماعت مس ، اسلام آباد ہائیکورٹ نا پاننگ ئس کہ وزیراعظم و وزرائے حکومت ورندی تننگ کپسہ گڑا اوفتے عہدہ آتیا کشیر۔
بلوچ خوانندہ آتا آجوئی کیس ئٹی نگران وزیراعظم انوار الحق کاکڑ عدالت نا خوائفنگ آن پد ارٹمیکو وار بتو ۔ جسٹس محسن اختر کیانی ریمارکس ترسہ پارے کے وزیراعظم ارٹمیکو وار بتنے ۔ نگران وزیراعظم آن ہرفبو اودے ہندا سوب آن آن توارکننگاسس کہ او جوابدہءِ ، سیکرٹری داخلہ ، ڈی جی آئی ایس آئی و ڈی جی ایم آئی سرکاری ملازم ءُ۔
جسٹس محسن کیانی پارے کہ دا کل افسر آک جواب دہ ءُ کس قانون آن بھلُن اف۔
تینا ملک ئنا شہری تہ آجوئی کن اِرا سال لگے ، نگران وزیر آک ، سیکرٹری دفاع ، سیکرٹری داخلہ ارانگءُ ؟ اٹارنی جنرل پاکستان منصور عثمان عدالت ئٹی بس ۔
جسٹس محسن اختر کیانی جُست کرے کہ دوازدہ بیگواہ آ خوانندہ آک دائسکان آجو متنو ۔ اٹارنی جنرل ورندی تس کہ کنا معلومات آ تا رد ئٹ ہشت خوانندہ آجو متنو ۔
