خضدار نا ہند گریشہ ٹی غنی ولد الہٰی بخش پنی ءُ بھلُنی ٹی محکمہ تعلیم با سینئر ٹیچر یونس ولد محمد حسن چاردہ سالی آ چُنا سمرینہ ئے برمتہ کرسہ برام کرے۔
حوالکار نا رد ئٹ سمرین بسران پنی ءُ زالبول مسڑءِ ارانا باوہ حمل کزیت کرینے ولے حمل وراثت ئٹی بھاز جائیداد الانے۔
حمل نا کزیت آن پد رشتہ دار آک بسران نا زمین آتا کیہی وار قوضہ کننگ نا کوشست کریر ولے بسران اوفتا مقابلہ کرسہ قوضہ ئے بے سُہب کرینے۔
حوالکار نا رد ئٹ حمل نا رشتہ دار یونس ولد محمد حسن منصوبہ کرے کہ وڑسے ئٹ بسران نا چُنکا مسڑ تون نکاح کرسہ اونا جائیداد آ قوضہ کیر ولے بسران تینا مسڑئے تننگ کن منیتو کہ”ای تینا چاردہ سالی آ مسڑئے پنجہ سالی ءُ بندغ ئسے تننگ کپرہ”۔
ریڈیو زرمبش ئے رسینگوکا حوال آتا رد ئٹ چُنکا مسڑ تون رشتہ ٹی بے سُہبی آن پد یونس غنی ولد الٰہی بخش بدرنگ گریشہ نا بھلُنی ٹی چُنائے برمتہ کننگ نا منصوبہ کرے۔
ہندا ہفتہ آ یونس بسران ئے ریفیسہ پارے کہ ای چُنائے خواننگ کن دیوا اوکان مسڑئے غنی ولد الٰہی بخش،عبدالرحیم،اکبر ولد نذر تون برمتہ کرسہ تربت آ دریر و پنجہ سالی آ یونس چاردہ سالی آ مسڑ سمرین تون نکاح کرے۔
ہندُن حوالءِ تربت ئٹی اوفتے شئے برکت زامران نا ہندی نا کُمک تُد اسک۔
حوالکار نا رد ئٹ برمتہ و ناکح آن پد مسڑئے تربت آن کراچی آ دننگا ولئے اوکان پد یونس تون اوار کُل ئنا بمبر آک بندءُ۔
