بلوچ نیشنل موومنٹ نا جارکش سندھی راجدوست رہشون ہدایت لوہار نا کوش ئے شیف خلیسہ پارے کہ پاکستانی ریاست محکوم انگا بندغ آتا راجی دانش نا ختم کننگ کن اسہ منصوبہ سینا رد ئٹ راجی سوچ تخوکا بندغ آتے خلنگءِ۔ بلوچستان ئٹی دا سلسلہ 2009 آ بلوچ نیشنل موومنٹ نا رہشون شہید واجہ غلام محمد، بی آر پی نا مرکزی رہشون شیر محمد و بی این ایم نا سینٹرل کمیٹی باسک شہید لالا منیر نا زوراکی ئٹ بیگواہی آن مس و پدا دا نسل کشی نا سلسلہ سندھ و پشتونخوا اسکان شنگ کننگا۔ دائسکان ہزار آتا کچ ئٹ راجی سوچ تخوکا بلوچ،سندھی، پشتون و ایلو راج آتیان سیالی تخوکا بندغ آتے بیدس عدالت آن خلنگ یا زوراکی ئٹ بیگواہی نا گواچی کننگانے۔
او پارے کہ ہدایت لوہار نا کوش محکوم راج آتا راجی تشخص نا برخلاف پاکستانی لشکر نا بے رحمانہ کاروائی تہ بشخءِ اراٹی بے گناہ و پُر ایمن جدوجہد کروکا بندغ آتے خلنگءُ۔
جارکش پارے کہ محکوم راج آتے تنیا لاش آتے ہرفنگ،کسرتہ برانز و مجرم آتیان انصاف خوائنگ نا خواست ئنا جاگہ اوار مرسا جوانءُ نیمہ سیہ جُہد کروئیءِ و پاکستانی آن آجوئی ہلوئیءِ۔ بیدس داڑان پین کسر اف۔
یاتی مرے کہ جمعہ نا دے 16 فروری 2024 آ سندھی راجدوست رہشون و پرائمری ٹیچر ہدایت لوہارئے نصیر آباد سندھ ئٹی پاکستانی ایجنسی تہ کارندہ آک خلکُر۔ او زوراکی ئٹ بیگواہ مروکا بندغ آتا تحریک کن کاریم کننگ ئس،تینٹ ہم مُست زوراکی ئٹ بیگواہی نا گواچی مسُنے۔اونا مسِنک سورٹھ لوہار و سسوئی لوہار وائس فار مسنگ پرسنز آف سندھ ئنا رہشونءُ۔
