بلوچ آجوئی خواہوک راہشون عبدالنبی بنگلزئی سندھی استاد و راج دوست شخصیت ہدایت لوہار نا کوش ئے شیف خلیسہ پارے کہ ریاست پاکستان محکوم راج آ تا شعور آ خوف زدہءِ ہندا سوب آن اوفتا باشعور بندغ آ تے خلیسہ اوفتے سیاسی و چاگڑدی رد ئٹ تہاری ٹی تخنگ خوائک ۔
او پارے کے ہدایت لوہار ئے ہندا سوب آن خلکُر کہ او سندھی راج و سندھو دیش نا مفاد کن سوچاکہ ارا قوضہ گیر ئے دوست اف ۔
او پارے کے شہید ہدایت لوہار ئے بھلو وخت ئسے کن زوراکی ئٹ بیگواہ کننگا و اونا زوراکی ئٹ بیگواہی نا وخت اونا اِرا بہادر انگا مسڑک سسئی و سورٹھ تینا باوہ نا آجوئی کن تحریک چلفیر و اودے بھلن کرسہ تیوعہ سندھ ئنا زوراکی ئٹ بیگواہ مروکا تہ توار جوڑ مسُر ۔اینو اوفتا باوہ ئے خلیسہ دا پیغام تننگانءِ کہ ریاست پاکستان بندغی حق آتیکن بش مروکا توار آ تے سگیپک و اوفتے اجتماعی سزا نا گواچی کیک ۔
