خضدار ورناس سینا جون خننگا ، شابیتی حوال آ تا رد ئٹ خضدار نا ہند سورگز آن اَسہ ورناس ئسینا جون خننگا ، پولیس نا رد ئٹ جون ئے پجار کن ٹیچنگ اسپتال آ دننگانے۔
واشک روڈ تدینی ٹی اَسہ بندغ ئس بیران ، شابیتی حوال آ تا رد ئٹ واشک باغ سوپک نا ہند آ لاری و موٹر سائیکل ٹکر لگار ارانا سوب آن صالح محمد ولد خمیسہ خان گورگی رخشان نا ہندی بندغ ئس بیران مس ۔
تدینی آن پد ہندی انتظامیہ جاگہ آ سر مس جون ئے اسپتال آ دریر المی کاروائی آن پد جون خاوت نا دوٹی تننگا ۔
ہندا وڑ نوکنڈی ٹیوب ویل لانڈی آن خُڑک ہنوکا دے زمباد و پک اپ لاری نا نیام ئٹ ٹکر آن گل آغا پنی ءُ بندغ ئس بیران مس ۔
پاکستانی لشکر و ڈھکوک ادارہ آ تا ٹارچر سیل آ تیان 17 جون 2020 آ خاران لجے آ زوراکی ئٹ بیگواہ مروکا لیاقت ساسولی آجو مس ۔
