بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک تربت نا ہند ڈنک ئٹی قوضہ گیر پاکستانی لشکر نا اسہ قافلہ ئسے نشانہ کریر، اراٹی دشمن لشکر نا اِرا کارندہ خلنگا و مُسٹ ٹپی مس۔
بی ایل ایف نا سرمچار آک ہشت فروری آ کیچ ئنا بھلا شہر تربت نا ہند ڈنک ئٹی شاھزئی پمپ ئنا خُڑک مُست سنگر ہلیسہ قوضہ گیر پاکستانی لشکر نا قافلہ ئے بھلا و پوسکُنا سلاہ تیٹ ٹک کریر۔
قافلہ تون دشمن لشکر نا اسہ سینئر افسر ئس ہم تُد ئس، سرمچار آک ہمونا لاری ئے نشانہ کریر، اراکان لاری ٹی سوار اِنگا دشمن لشکر نا اِرا کارندہ ہمو جاگہ خلنگا و مُسٹ ٹپی مس و لاری ئے سخت نسخان رسینگا۔
دا کاروائی ہشت فروری آ نام نہاد پاکستانی الیکشن نا دے مس ئس، ولے دشمن ہمو دے نیٹ و نیٹورک اِرٹنگاتے بند کریس ئس، ہندا سوب آن دا کاروائی رپورٹ متوس۔
دا جلہو ئٹی پاکستانی لشکر نا خلنگ مروکا کارندہ آتا پِنک ہم سوشل میڈیا ٹی شنگ مس اسُر ارافتیٹی اسٹ امیر نظام پور نا ہندی، سہیل اختر و اسٹ نا پن سیف الرحمنءِ ارا اغضر خیل نا ہندی سے۔
بلوچستان لبریشن فرنٹ دا جلہو نا ذمہ واری ئے ہرفک۔ بلوچستان نا تیوعہ آجوئی اسکان قوضہ گیر پاکستانی لشکر آ سرمچار آتا جلہوک برجاء مرور۔
