بلوچستان نا شہر تربت ئٹی ڈی بلوچ آ بیگواہ بندغ آتا آجوئی کن اِرا ہفتہ آن برجاء انگا برانز مذاکرات آن پد ایسر کننگا۔
پولیس افسر و خاہوت آتا نیام ئٹ مُسہ بندغ آتے یلہ کننگ و مُسٹ نا بابت حوال تننگ نا شرط آ برانز ایسر کننگا۔
ایس ایس پی کیچ و پولیس افسر آتیتون ہیت آن پد ڈی بلوچ پوائنٹ آ تدوکا اِرا ہفتہ آن برجاء انگا برانز ایسر کننگا۔ پولیس افسر آک مُسہ بیگواہ بندغ آتے آجو کننگ و مُسٹ ئے عدالت نا مونا ہتنگ نا تجویز تسُر ہرادے برانزیک منار۔
