قطبی وزیرستان ئٹ فورسز کیمپ ئنا مونا برانز نا وخت پاکستانی لشکر سم کاری کرے، پشتون راہشون محسن داوڑ تون اوار کیہی بندغ آک ٹپی۔
حوال تا ردئٹ محسن داوڑ نا مخ تفی کروکا میران شاہ کینٹ ئنا بنجاہی در ئنا مونا برانز کننگ اسر، قطبی وزیرستان ئٹ گچین کاری بھرم تا ہُرے کننگ آ برانز مننگ اس کہ اندا وخت فورسز آک سم کاری کریر ہرانا سوب آن محسن داوڑ تون اوار کیہی بندغ آک ٹپی مسر، محسن داوڑ ئے جانجوڑی کمک کن اسپتال آ دننگا۔
جماعت اسلامی نا سینٹر مشتاق احمد پارے کہ گچین کاری درو نا برخلاف قطبی وزیرستان ئٹ برانز آ پولیس نا سم کاری آن محسن داوڑ تون اوار ایلوفتا ٹپی مننگ نا حوال رسینگانے، دا بھاز افسوز و مذمت نا لائخ ءِ۔محسن داوڑ و اونا سنگت آتیکن دعا کننگ اُن۔
او پارے کہ شانگلہ آن پد دا ارٹمیکو تدینی ءِ ہرا ٹی گچین کاری کمیشن نا درو تا برخلاف قانودی برانز آ سم کاری کننگا و بے ڈوہ تا دتر وہفنگا۔ سپریم کورٹ آف پاکستان دا حکومتی دہشتگردی نا نوٹس ہلے۔
