بلوچ راج آجوئی سنگر ( براس ) نا جارکش بلوچ خان میڈیا ئٹی شنگ مروکا درشان ئٹی پارے کہ براس ئنا سرمچارآک ہنوکا اِرا دے ئٹی قوضہ گیر پاکستانی لشکر آ ، اوفتا آلہ کار و پولنگ اسٹیشن آتے جتا و نوعیت نا 24 جلہو تیٹی نشانہ کریر ۔ اِرا ہفتہ ٹی سرمچار آک دشمن آ 161 جلہو کرینو ۔
او پارے کہ دا جلہو آتا مسخت قوضہ گیر تون اوار جہان پاننگءِ کہ بلوچ راج غلامی ئے ہچ دروشم ئٹ مننگ کن تیار افک ، بلوچ راجی آجوئی سنگر راجی غلامی نا برخلاف تینا جلہو تیٹی تیزی ہتو ۔
جارکش پارے کہ بلوچ راج پنی آ پاکستانی گچین کاری ئٹی بشخ ہلپرسہ بلوچ راجی آجوئی نا حق ئٹی تینا اظہار ئے کریر۔ قوضہ گیر پاکستانی لشکر میر و معتبرین ، سردار و ایلو دروشم آ تیٹی ساڑی تینا آلہ کار آ تا سوب آن بلوچ راج ئے زوراکی ئٹ اوفتا اُرا تیان کھشنگسہ پنی آ گچین کاری ڈرامہ ئے جہان نا مون آ سرسُہب نشان تننگ نا کوشست کرے ولے بلوچ راج قوضہ گیر نا پنی آ گچین کاری تے نہ رد کرسا آزاد بلوچ وطن نا حق ئٹ تینا ووٹ ئے تسونو ۔
او پارے کہ بلوچ سرمچار آ تون کُمک کننگ آ راج ئنا منتواری ئے ادا کننگ خوائنا ۔ نن اَسہ وار ئس پدا واضح کینہ کہ دا جلہو تیٹی سرمچار آتے لس نسخان آ تیان بچنگ کن واضح ہدایت تننگاسس ۔ ہندا سوب آن جلہو آ تا شدت ئے کم کنگا سس۔
او مُستی پارے کہ براس سرمچار آک ہنوکا دے کوئٹہ ئٹی بیگہ ئنا وخت آ پنی آ پاکستانی گچین کاری نا پولنگ اسٹیشن ئے سریاب کسر آ خان زئی نا ہند آ آئی ای ڈی ئٹ نشانہ کریر ،جلہو نا سوب آن گچینکاری امیدوار نور اللہ لہڑی ٹپی مس ، پولنگ اسٹیشن ئے نسخان رسینگا ۔
جارکش پارے کہ سرمچارآک کوئٹہ ، سریاب ، غریب آباد ئٹی دو بجہ نا خُڑک اَسہ پین پولنگ اسٹیشن ئسے آئی ای ڈی جلہو ئسینا نشانہ کریر ۔
او پارے کہ سرمچارآک کوئٹہ نا مغربی بائی پاس آ کلی خلی پولنگ اسٹیشن ئے ہموخت آئی ای ڈی جلہو نا نشانہ کریر ہراوخت گچین کاری تہ حساب مننگ اسک۔
او پارے کہ براس ئنا سرمچاراک تِدوکا دے مغرب نا وخت آ خصدار کھنڈ ئٹی پاکستانی لشکر و ڈھکوک ادارہ آتا اڈ تروکا نام نہاد ڈیتھ اسکواڈ نا سرغنہ شفیق مینگل نا دست راست شھزاد غلامانی نا لاری ئے آئی ای ڈی جلہو ئٹ ٹِک کریر، جلہو ئٹی او ٹپی مس، او لاری ئے نسخان رسینگا۔
جارکش پارے کہ براس ئنا سرمچاراک 6 جنوری دوشمبے نا دے مچھ آ قوضہ گیر پاکستانی لشکر نا اسِہ لاری سے آئی ای ڈی جلہو ئٹ یٹِک کننگ آن پد خودکار سلاہ تیٹ نشانہ کریر، جلہو ئٹی اسِہ کارندہ ئس خلنگا مُسٹ ٹپی مس۔
بلوچ خان پارے کہ براس ئنا سرمچاراک 8 فروری نا سُہب ئنا بالگتر سھاکی ٹی پاکستانی لشکر نا مرکزی کیمپ ئے خودکار سلاہ تیٹ جلہو کریر، لشکر ئے جانی و مالی نسخان رسینگا۔
او پارے کہ اسِہ پین جلہو ئسیٹی براس ئنا سرمچاراک بالگتر سھاکی ٹی واٹر سپلائی آ پاکستانی لشکر نا برجاء انگا کیمپ ئے نشانہ کریر، لشکر نا اسِہ کارمندہ ئس خلنگا و اسِٹ ئس ٹپی مس۔
جارکش پارے کہ براس ئنا سرمچاراک 8 فروری نا سنہب آواران نا ہند پیراندر کچھ و ڈھک بیدی نا نیام ٹی قوضہ گیر پاکستانی لشکر نا پیدل کارندہ آتا جلہو کرسہ لشکر نا اسِہ کارمندہ ئس خلنگا و اِرٹ ٹپی مسُر۔
او پارے کہ براس ئنا سرمچاراک 8 فروری نا شام ئنا نوہ بجہ اا خضدار نا ہند گریشہ گونی ٹی پولنگ اسٹیشن ئے چغلی بمب جلہو کرسا ٹِک کریر، جلہو نا وخت پاکستانی لشکر نا کارندہ آک ساڈی اسُر۔
او پارے کہ براس ئنا سرمچاراک اسِہ پین جلہو ئس خصدار نا ہند نال گریشہ جاورجی ٹی پولنگ اسٹیشن ئے چغلی بمب جلہو و سلاہ آتیٹ نشانہ کریر۔
جارکش پارے کہ براس نا سرمچاراک 8 فروری آ جھاو علی محمد گوٹھ ئٹی پولنگ اسٹیشن ئے شام ئنا 8 بجہ نا خڑک آ جلہو کریر، جھاو ٹی سرمچاراک بھلا کسرئے 9 بج اسکان بند کریر۔
بلوچ خان پارے کہ براس ئنا سرمچاراک 8 فروری نا شام 6 بجہ کیچ ئنا ہند تجابان میران زین ڈور ئٹی پاکستانی لشکر نا برجاء انگا چوکی آ جلہو کریر۔ جلہو ئٹی پاکستانی لشکر ئے جانی و مالی نسخان رسینگا۔
او پارے کہ سرمچاراک 8 فروری نا شام گورکوپ ئٹی پاکستانی لشکر نا چوکی آ خودکار سلاہ آتیٹ جلہو کرسہ اسِہ کارمندہ ئس خلکُر اسِٹ ئس ٹپی کریر۔
جارکش پارے کہ براس ئنا سرمچاراک 8 فروری نا سُہب تمپ پل آباد ئٹی پولنگ اسٹیشن ئے ٹائمر بمب ئٹ نشانہ کریر۔ جلہو ئٹی پولنگ اسٹیشن ئے نسخان رسینگا۔
جارکش پارے کہ براس ئنا سرمچاراک ہفت فروری نا بیگہ آ کُلاھو بازار ئٹی ہندی بندغ آتون نام نہاد آ انتخاب آتا ووٹ تفننگ نا حوال ئٹ ہیت کریر۔ ہندُن سرمچاراک شام آ پولنگ اسٹیشن ئے نشانہ کریر ۔
او پارے کہ براس ئنا سرمچاراک ہشت فروری آ ھوت آباد ئٹی نام نہاد انتخابی پولنگ اسٹیشن آ جلہو کرِسا ووٹ ئنا انتخابی پرچی و بکس آتے ہُشار ، بلوچ مننگ نا بنیات آ پولیس کارندہ و پولنگ ایجنٹ آتے تنبیہ ترسہ یلہ تِسُر ۔ سرمچاراک انتخابی لاری و موٹرسائیکل آتا سُمکاری کرِسا اوفتا ٹائر آتے بھُس کریر ۔
او مُستی پارے کہ ہندا درمیان آ پاکستانی لشکر تینا بکتربند لاری تیتون اوار سرمچار آتے گھیرہ کننگ نا کوشست کرے ۔ سرمچاراک دشمن لشکر ئے پوسکُنا و بھلا سلاہ تیتون نشانہ کریر ، جلہو آن پاکستانی لشکرئے جانی و مالی نسخان رسینگا ۔
او پارے کہ براس ئنا سرمچاراک ہشت فروری نا دے آ ناصر آباد پولنگ اسٹیشن ئے چغلی بمب ئٹ نشانہ کریر ۔
او پارے کہ براس ئنا سرمچاراک ہشت فروری نا دے آ خیر آباد ئٹی اڈ تِروک آ نام نہاد انتخابی پولنگ اسٹیشن آ جلہو کریر و اوڑے پولیس و ایجنٹ آتا آ سُمکاری کرِسا اوفتے کشار ہندُن ووٹنگ نا پرچی و کاغد آتے ہم ہُشار ۔
جارکش پارے کہ براس ئنا سرمچاراک مند ئنا ہند بلوچ آباد گرلز اسکول ئٹی اڈ تِروک آ انتخابی پولنگ اسٹیشن آ جلہو کرِسا لیویز کارندہ و پولنگ ایجنٹ آتے کشسہ پولنگ ئے بند کریر ، سرمچاراک لیویز کارندہ و ایجنٹ آتے بلوچ مننگ نا بنیات آ یلہ تِسُر ۔
جارکش پارے کہ براس ئنا سرمچاراک ہشت فروری نا سُہب ئنا دہ بجہ آ مشکے بنڈُکی ٹی اڈ مروکا پاکستانی لشکر نا چوکی و پولنگ اسٹیشن ئے مُر خلوک و بھلا سلاہ تیتون نشانہ کریر ۔
او پارے کہ اسہ پین جلہو ئسیٹی ہشت فروری نا بیگہ آ مشکے تنک ئٹی اڈ مروکا پاکستانی لشکر نا چوکی و پولنگ اسٹیشن ئے مُر خلوک و بھلا سلاہ تیتون نشانہ کریر ۔
جارکش پارے کہ براس ئنا سرمچاراک ہفت فروری آ تُربَت نا ہند تنزک و پٹھان ڈور ئٹی اِرا انتخابی دفتر تہ مُر خلوک و بھلا سلاہ تیتون جلہو کریر ، جلہو نا وخت آ انتخابی دفتر ئٹی سیکیورٹی کارندہ مسُنے ۔
او پارے کہ بلوچ راجی آجوئی سنگر دا جلہو تہ ذمہ واری ہرفک ۔نام نہاد انتخابات و قوضہ گیر پاکستانی لشکر و ڈھکوک آ ادارہ تہ ہیت آ ہنوک انتخابی ڈرامہ ٹی اوار بندغ آک ننا نشانہ ٹی مرور ۔
