حوال آتا رد ئٹ نادُرست سلاہ بند بندغ آک گریشہ ٹی اِرا جتا انگا ہند آتا گچینکاری جاگہ آتا جلہو کریر۔
حوالکار نا رد ئٹ استو شام ئنا نوہ بجہ گریشہ نا ہند گونی ٹی برجاء انگا گچینکاری جاگہ آ جلہو کریر۔ سلاہ بند بندغ آک جاورجی گریشہ ٹی درو دہ ءُ نیمہ گچینکاری جاگہ آ دستی بمب ئٹ جلہو و سُماری کریر۔
حوال آتا رد ئٹ درو نادُرست بندغ آک بالگتر سھاکی ٹی نام نہاد گچینکاری و واٹر سپلائی آ برجاء انگا پاکستانی لشکر نا چوکی آ جلہو کریر۔
زامران آن حوالءِ کہ زامران نا مشتیٹی پاکستانی لشکر نا جنگی جہاز چرینگءُ ۔ دا رد ئٹ ننا پٹ و پول برجاء ءِ۔
یاتی مرے کہ درو نا دے نام نہاد آ پاکستانی گچینکاری تہ وخت عوام تینٹ اُراتیان پیش تمیسہ پولنگ اسٹیشن آتا برانز کریر کیہی جاگہ آتے خاخر ہم تسُر،بلوچستان ئٹی نام نہاد گچینکاری تے بلوچ عوام تیوعہ رد کرسا جہان ئے نشان تس کہ بلوچ راج انت خوائک۔
