آواران / تجابان : نادرست سلاہ بند بندغ آک زوراک آ پاکستانی لشکر آ جلہو کریر ۔
حوالکار نا رِد ئٹ درو سُہب ئنا پیراندر آواران ئٹی سلاہ بند بندغ آک کچ ، ڈل بیدی نا نیام ئٹی پاکستانی لشکر نا پیدل ہنوک آ کارندہ آتا جلہو کریر ، جلہو ہُرے اسکان برجاء مس جلہو ئٹی پاکستانی لشکرئے جانی نسخان رسینگ نا حوالءِ ۔
ہندا وڑ نادرست سلاہ بند بندغ آک درو بیگہ نا شش بجہ نا نیام آ میران زین ڈور تجابان آ سی پیک کسر آ اڈ مروکا پاکستانی لشکر نا چوکی نا آ بھلا سلاہ تیتون جلہو کریر ۔ جلہو آن پاکستانی لشکرئے جانی نسخان رسینگ نا حوالءِ ۔
دا جلہو تا ذمہ واری تے دائسکان ہچ تنظیم ئس ہرفتنے۔
