ایمنسٹی انٹرنیشنل جاندمی ایشیا نا پاکستان ئٹی گچین کاری تا دے موبائل و سروس ئے بند کننگ ئے الس ئنا آزاتی درشانی و پرامن اشتماع نا حق آ جلہو ئس پارے ۔
ایمنسٹی انٹرنیشنل نا کنڈ آن سوشل میڈیا پلیٹ فارم ایکس آ پاننگا کہ ڈیہہ ئٹ گچین کاری تا دے ٹیلی کمیونیکیشن و موبائل انٹرنیٹ سروس ئے بند کننگ نا فیصلہ آزاتی درشانی و پرامن اشتماع نا حق آ اسہ پاش جلہو اسے۔
ایمنسٹی انٹرنیشنل پاکستانی کوالخواہ تیان انٹرنیٹ اسکان رسائی آ رکھ خلنگ ئے دمدستی ایسر کننگ نا خواست کرے۔
اندن ہیومن رائٹس کمیشن آف پاکستان ہم موبائل و ڈیٹا سروس نا بندی آن تینا رائے تروکا تا معلومداری نا حق و مننگ کروک وڑ ئٹ بھرم تا ترسیل زیمی مننگ نا خلیس نا درشنای کرے۔
سوشل میڈیا پلیٹ فارم ایکس آ ایچ آر سی پی تینا اسہ بیان ئسیٹی پارے کہ سندھ ہائی کورٹ نا کنڈ آن نگراں حکومت ئے پولنگ نا دے بلاتعطل انٹرنیٹ سروس نا باور تننگ آن بیدس سروس ئٹ اسہ وڑ ہڑاند ودی کننگا۔
