بلوچستان نا ضلع کیچ و پنجگور ئٹی اِرا تراک مسُنے۔
حوال آتا رد ئٹ کیچ ئنا ہند ہوشاپ ئٹی نادُرست سلاہ بند بندغ آک اینو سُہب ئنا نادرا دفتر ئے دستی بمب جلہو ئٹی نشانہ کریر۔
حوالکار نا رد ئٹ دستی بمب نادرا آفس نا تہٹی تمیسہ ترخہ۔ واہم پین جانی نسخان نا حوال مونی بتنے۔
ایلو نیمہ آ پنجگور نا ہند سوردو ٹی نادُرست سلاہ بندغ آک پارٹی نا عبدالقدیر ساجدی نا اُرائے دستی بمب ئٹ جلہو کریر۔
حوال آتا رد ئٹ اینو عبدالقدیر نا اُراغہ الیکشن تہ رد ئٹ اسہ اہم ءُ میٹنگ ئس ہم مسُنے و جلہوکار کروک آک اُرائے نشانہ کریر۔
یاتی مرے کہ ہنوکا کیہی دے آن بلوچستان ئٹی پاکستانی لشکر و الیکشن کمپین آتا کیہی جلہو کننگانے۔ بلوچ سلاہ بند تنظیم آتا اتحاد براس 28 تاریخ آن اینو اسکان بلوچستان ئٹی 92 جلہو تہ ذمہ واری تے ہرفینے۔
