خاران ئٹی مُسہ جتا اِنگا پولنگ اسٹیشن آتا اسٹ آن پد مُسہ تراک آتا توار بننگا۔
حوال آتا رد ئٹ نادُرست سلاہ بند بندغ آک خاران شہر ئٹی قلعہ اسکول ہرا اسٹیشن ئس پاننگ مننگءِ،اودے بمب جلہو ئٹی نشانہ کننگا۔
داڑتون اوار شہر ئٹی واپڈا محلہ ٹی اسہ پین پولنگ اسٹیشن ئسیا بمب جلہو ئس مس۔
ہندُن گرلز ہائی اسکول ئے ہم بمب جلہو ئٹی نشانہ کرسا تراک ئس کننگا۔
یاتی مرے جئ خاران ئٹی داسا نا ریاستی الیکشن نا سلسلہ ٹی اُمید وار،اوفتا ٹھکانہ و کیمپئینز آتا آجوئی خواہوک تنظیم آتا نیمہ آن گیشی و تیزی تون جلہو تہ سلسلہ برجاء ءِ،ہرافتا ذمہ واری بلوچ راجی آجوئی سنگر(براس) ہرفینے۔
پسنی آن حوالءِ کہ گورنمنٹ ہائی اسکول ببرشور نا چاردیواری نا تہہ آن ریموٹ کنٹرول بمب ئس خننگانے،ہرادے ناکارہ کننگ کن بمب ڈسپوزل ٹیم ئے خوائیفینو۔
