مچھ آن کوئٹہ آ بننگ نا وخت آ پاکستانی لشکر مُسہ بندغ آتے دزگیر کننگ آن پد زوراکی ئٹ بیگواہ کرے ۔
وائس فار بلوچ مسنگ پرسنز نا نیمہ آن شنگ مروکا درشان ئٹی تنظیم مچھ آن کوئٹہ آ بروکا مُسہ بندغ آ تا پاکستانی لشکر نا دُو آن دزگیر کننگ آن پد زوراکی ئٹ بیگواہ کننگ نا حوال ئے پک کرسا اوفتا آجوئی نا خواست ئے کرے ۔
تنظیم نا رد ئٹ یک شمبے نا دے پاکستانی لشکر مچھ آن خُڑک مُسہ بندغ آتے دزگیر کرسا تینتو ن درے ہرافتیٹی میر زمان ولد شاہ زمان ساتکزئی ، احمدنواز ولد خدارحیم سمالانی و ثناءاللہ ولد خدابخش بنگزئی اوار ءُ ۔
تنظیم نا رد ئٹ مُسٹنگا بندغ آ تے پاکستانی لشکر دزگیری آن پد مونی ہیتنے ۔
وائس فار بلوچ مسنگ پرسنز زوراکی ئٹ بیگواہ مروکا ورنا تہ آجوئی نا خواست کرسا پارے کہ حکومت و کالخواہ تہ غیرسنجیدگی زوراکی ئٹ بیگواہی آ تیان بلوچستان ئٹی بندغی بحران ودی مسُنے ہرادے توننگ متو گُڑا حالیت آک پین خرابی نا نیمہ آ ہنور و دافتا ذمہ وار ریاست مرو ۔
