خاران و پنجگور ئٹی پاکستانی انتخابات کن نامزد انگا امید وار آتے جلہو تیٹی نشانہ کننگانے۔
شابیتی رد ئٹ خاران بازار ئٹی قومی اسمبلی نا امیدوار چنگیز ساسولی نا الیکشن کیمپ نا خُڑک آ اسہ تراک ئسیتون تون پد ما پد تراک۔
حوال آتا رد ئٹ نادُرست بندغ آک چنگیز ساسولی نا انتخابی مہم نا دفتر آ دستی بمب ئٹ جلہو کننگا و ایلو تراک سلوکو موٹر سائیکل ئسیتون خلوک بمب ئنا ترخنگ آن مس۔
ایلو نیمہ آ پنجگور ئٹی ہم نیشنل پارٹی با امیدوار حاجی اسلام نا اُرائے نادُرست سلاہ بند بندغ آک بمب جلہو ئٹی نشانہ کننگا۔
یاتی مرے کہ ہنوکا ہفتہ بلوچستان ئٹی پاکستانی نامزد امیدوار آتا کیہی جلہو مسُنے، بلوچ سلاہ بند تنظیم آتا اتحاد براس 77 جلہو تہ ذمہ واری تے ہرفینے۔ ولے دا جلہو تہ بابت ئٹ دائسکان ہچو تنظیم ئسینا درشان ئس مونی بتنے۔
