بی ایل اے آپریشن درہ بولان ئٹی اوار بی ایل اے مجید بریگیڈ نا فدائین تہ تدفین اوفتا باوہ پیرئی آ ہنداتیٹی کننگا۔
صدام نوید عرف کے ڈی نا میت ہنوکا شام خاران آ سر مس، اونا خاوت و بلوچ عوام نعرہ و پھُل آتیٹ اودے بخیر کریر۔اینو ہزار آتا کچ ئٹ بندغ آک اونا نماز جنازہ ٹی اوار مسُر و باوہ پیرئی آ قبرستان آ اونا تدفین ئے کریر۔
بی ایل اے مجید بریگیڈ نا فدائی حمل مومن عرف کلمیر نا میت گوادر آ سر مس۔ گوادر زیروپوائنٹ آ پھُل خسسہ بندغ آک اودے بخیر کریر۔
جنازہ اینو سئے بجہ اونا باوہ پیرئی آ ہند پانوان، جیونی ٹی خواننگا۔
فدائی نظام بلوچ عرف ساہل نا نماز جنازہ ساحلی شہر پسنی ٹی خواننگا۔
آپریشن درہ بولان ئٹی بشخ ہرفوکا فدائی نادر بنگلزئی نا کوئٹہ ٹی تدفین کننگا و بی ایل اے فتح اسکواڈ نا باسک کاشف شاہوانی نا تدفین کوئٹہ کلی قمبرانی ٹی ادا کننگا۔ نماز جنازہ تیٹی بندغ آک بھلو کچ ئسیٹی اوار مسُر۔
مچھ ئنا ہندی فدائی ودود ساتکزئی نا تدفین کوئٹہ نیو کاہان شہدائے بلوچستان قبرستان ئٹی کننگا و فدائی سلال ابن نور بی بی نا تدفین پنجگور ئٹی کننگا۔
فدائی شہید حافظ زیشان زہری نا تدفین اونا باوہ پیرئی آ ہند زہری ٹی کننگا۔
مچھ ئٹی خلنگ مروکا بلوچ فدائین تہ جنازہ تے جلوس نا دروشم ئٹ اوفتا باوہ پیرئی آ ہند آتا دننگا۔ اراڑے ہزار آتا کچ ئٹ بندغ آک اوفتا نماز جنازہ تیٹی اوار مرسا اوفتے خراج عقیدت ندر کریر۔
