مچھ و بولان نا ایب کھیب آن تعلق تخوکا میر و سردار ، سرکاری مُختفی آ سلاہ بندہ آتا سربراہ تے درو کوئٹہ آ بٹنگانو ۔
حوال آتا رد ئٹ پاکستانی لشکر بولان ئٹی بھلو کچ ئسیٹی لشکر کشی کننگ نا فیصلہ کرینے ، ہرانا رد ئٹ ہندا بندغ آتے شال فوجی چھاونی آ مُچ کننگ ءُ ۔
حوالکار آتا رد ئٹ مچھ تون اوار بولان نا ایلو ہند آ تیٹ لشکر کشی، زوراکی ئٹ بیگواہ مروکا بندغ آتے بھلو کچ ئسیٹ خلنگ نا امکانءِ ۔
یاتی مرے کہ 29 جنوری آ بلوچ لبریشن آرمی مچھ ئٹی اَسہ بھلو نوعیت نا جلہو سیان پد شہرئے اِرا دے اسکان تینا کنٹرول ئٹی کریسس ۔ جلہو ئٹی پاکستانی لشکر نا 78 کارندہ خلنگار ہرافتیٹی کمانڈوک ہم تُد اسُر۔
بی ایل اے دا جلہوئے” آپریشن درہِ بولان “ نا پن ئے تس ۔ تنظیم نا جارکش پارے کہ دا آپریشن ئٹی بی ایل اے نا فدائین تہ بریگیڈ مجید بریگیڈ ، فتح اسکواڈ و ایس ٹی او ایس بشخ ہرفینو۔
