بلوچ راجی آجوئی سنگر (براس )ئنا جارکش بلوچ خان میڈیا ٹی شنگ مروکو اسہ درشان ئسیٹی پارے کہ براس ئنا سرمچار آک بلوچستان نا جتائنگا عیلاقہ ، کوئٹہ ، خاران ،قلات ، آواران ، کیچ و پنجگور ئٹی 14 جتا جتا اِنگا دروشم نا جلہو تیٹی قوضہ گیر پاکستانی لشکر و نام نہاد انتخابی مہم چلیفوکاتا دفتر و امیدوار آتے ٹک کریر ۔
او پارے کہ براس ئنا سرمچار آک 3 فروری آ ہشت بجہ ئنا خڑک قلات نا ہند منگچر ئٹی جے یو آئی نا دفتر ئے چغلی بمب ئٹ ٹک کریر ۔
جارکش پارے کہ داڑان بیدس سرمچار آک اسہ پین کاروائی سیٹی قلات شار ئٹی قوضہ گیر پاکستانی لشکر نا بیس ئے راکٹ گولہ خلُکر ۔ ہرانا سوب آن دشمن ئے بھاز جانی و مالی نسخان ہرفوئی تما ۔
او پارے کہ اِستو شام ئنا دہ بجہ نا خڑک براس ئنا سرمچار آک کیچ ئنا ہند تجابان ، کرکی ٹی قوضہ گیر پاکستانی لشکر نا اسہ چیک پوسٹ ئسے آ بھلا و پوسکُن اِنگا(جدید) آ سلاہ تیٹ جلہو کریر ۔ جلہو ئٹی کم آن کم اِرا کارندہ خلنگا و بھازاک ٹپی مسرُ و اوفتے مالی نسخان ہم رسینگا ۔
او پارے کہ براس ئنا سرمچار آک 2 فروری آ کوئٹہ ٹی مشرقی بائی پاس آ مگسی اسٹاپ نا ہند آ سُہب ئنا دہ بجہ نا خڑک نام نہاد پاکستانی انتخابات کِن مہم چلِفوکا تا دفتر آ چغلی بمب ئٹ جلہو کریر ۔ اسہ پین کاروائی سیٹی سرمچار آک 2 فروری آ ہمو ہند آ شام ئنا شش بجہ آ انتخاباتی دفتر ئے چغلی بمب ئٹ ٹک کریر ۔
او مُستی پارے کہ براس نا سرمچار آک درو شام آ خاران ئٹی قوضہ گیر پاکستان نا مُسکوہی وزیر داخلہ و اڈ تِروک آ انتخابی مہم ئٹی پاکستان مسلم لیگ نون ئنا امید وار شعیب نوشروانی نا جاگہ ئے چغلی بمب ئٹ نشانہ کریر ۔ ہند جاگہ انتخابی مہم کن کارمرز کننگءِ ۔
او پارے کہ شعیب نوشیروانی نواب اکبر خان بگٹی نا شہادت نا وخت آ بلوچستان نا وزیر داخلہ اسک ۔ اسہ وار پدا قوضہ گیر پاکستانی لشکر نا مُختفی ٹی دا بندغ انتخابی ووٹ ئنا ذریعہ ئٹ وزیر مرِسا قوضہ گیر نا مفادات آتے مہکم کننگ نا کوشست کننگ ءِ ۔
او مُستی پارے کہ سرمچار آک 31 جنوری آ کیچ ئنا ہند کرکی ٹی سی پیک کسر آ جوڑ مروکا پاکستانی لشکر نا پوسٹ آ جلہو کریر ۔
جارکش پارے کہ براس ئنا سرمچار آک 30 جنوری آ کیچ ئنا ہند کولواہ بلور ئٹی قوضہ گیر پاکستانی لشکر نا چوکی آ مُر خلوک آ سلاہ تیتون جلہو کریر ہراٹی دشمن ئے جانی نسخان رسینگا ۔
او مُستی پارے کہ سرمچار آک 31 جنوری آ آواران نا ہند مشکے تنک آ دہ و نیم ئنا خُڑک آ پاکستانی لشکر نا کیمپ آ جلہو کرِسا دشمن لشکرئے بھلو جانی و مالی نسخان تِسُر ۔ سرمچارآک پین اسہ کاروائی سیٹی 31 جنوری نا شام ئنا ہشت بجہ نا خُڑک آ مشکے اوگار ئٹی دشمن لشکر نا کیمپ ئے بھلا سلاہ تیتون نشانہ کریر ۔
جارکش مُستی پارے کہ براس ئنا سرمچار آک سی و یک و یکم فروری نا شام آ کیچ ئنا ہند ہوشاب ئٹی پاکستانی لشکر نا بھلا کیمپ ئے راکٹ و گرنیڈ لانچر نا گولہ خلِسا نشانہ کریر ۔
او پارے کہ سرمچار آک 31 جنوری نا شام پَنجگُور نا ہند کیلکور سہاکی ٹی واٹر سپلائی آ اڈ مروکا قوضہ گیر لشکر نا چوکی آ مُر خلوک آ سلاہ تیتون جلہو کریر ۔
او پارے کہ براس ئنا سرمچارآک 28 جنوری آ آواران نا ہند کنیچی ٹی پاکستانی لشکر نا کیمپ آ مُر خلوک و بھلا سلاہ تیتون جلہو کرییر ہراٹی دشمن لشکرئے جانی و مالی نسخان رسینگا ۔
جارکش پارے کہ بلوچ راجی آجوئی سنگر مُست پارینے کہ قوضہ گیر پاکستان نا نیمہ آن قوضہ مروکا بلوچستان آ نام نہاد انتخابات آتے رد کینہ و دا انتخابی ڈرامہ ئے پاکستان نا بلوچستان نا زی آ قوضہ زیار کننگ نا اسہ حربہ ئس پوہ مرینہ۔ بلوچ آجوئی خواہوک طاقت آک قوضہ گیر نا ایلو پروپیگنڈہ والا حربہ تہ وڑ دا نام نہاد انتخابی حربہ ئے بلوچ راج ئنا کُمک تون تیوعہ سہُب کرور۔
جارکش پارے کہ براس پاننگ خوائک انتخابی مہم چلیفوک آتا زی آ جلہو تیآری سرمچار آک عوامی نسخان آن رکھنگ کن محتاط ءُ طریقہ کارمرز کرینو۔ نن بلوچ عوام آن خواست کینہ کہ اوفک نام نہاد انتخابی مہم تیان تینے مُر کیر تاکہ اوفتے پین جانی نسخان ہرفوئی تمپ۔
او پارے کہ قوضہ گیر پاکستانی لشکر و نام نہاد انتخابی مہم ئنا زی آ ننا جلہوک برجاء مرور۔
