حوال تا رد ئٹ ایف سی خاران نا جاندم ئٹ ساڑی کلی تاگزی ٹی نن ئنا سئے بجہ غا چھاپہ خلِسہ علی جان سمالانی ولد ماسٹر حضور بخش سمالانی ئے زوراکی ئٹ بیگواہ کرینے۔
حوال تا رد ئٹ علی جان سمالانی اسہ مسکین ءُ اُرا سے آن تعلقداری تخک و شعبہ نا لحاظ ئٹ اسہ دکاندار اسے۔ داکان بیدس او کلی تاگزی ٹی رہینگک۔ واہم پاکستانی لشکر 31 جنوری نا نن 3 بجہ غا چھاپہ خلِسہ علی جان پنی آ ورنا ئے زوراکی ئٹ بیگواہ کرینے۔ ہرا نا بارو ئٹ داسکان ہچو معلومداری راینگتنے ہرا نا سوب آن اونا خاہوت فریشان ءِ۔
خاہوت نا پاننگ ءِ کہ علی جان سمالانی ئے 31 جنوری نا نن 3 بجہ غا کلی تاگزی خاران آن اونا اُراغان فورسز آک بے قانودی دزگیر کرسا بے ڈس ءُ ہند ئسے آ درینے و خاہوت ئے علی جان نا بارو ئٹ معلومداری ہم تننگ متنے۔
