کیچ ئنا ہند سامی ٹی بیگواہ آ خدا بخش نا آجوئی کن برجاء انگا برانز آ پاکستانی لشکر زوراکی کرسا محمد یعقوب جوسکی ئے دزگیر کرے ۔
حوال آتا رِد ئٹ استو شام ئنا ایم ایٹ سی پیک کسر آ بیگواہ آ خدا بخش نا آجوئی کن برجا ءاِنگا برانز آ نن ئنا چار بجہ آ کریک ڈاؤن کرِسا حق دو تحریک نا راہشون محمد یعقوب جوسکی و فضل کریم ئے دزگیر کریر ۔
سی پیک نا برانزی گِدان آن اسہ ویڈیو سیٹی زالبول آک پاریر کہ استو چار بجہ نا وخت آ پاکستانی لشکر ننے آ زوراکی کرِسا زالبول و چُناتے تشدُد نا گواچی کرے و یعقوب جوسکی ئے لٹ و کُٹ کرسا دزگیر کننگا ۔
حوالکارنا رِد ئٹ محمد یعقوب جوسکی نا برخلاف ایف آئی آر ہم کننگانے ۔
