بلوچ راجی آجوئی سنگر ( براس ) ئنا جارکش بلوچ خان میڈیا ٹی شنگ مروکا درشان ئٹی پارے کہ سرمچار آک بلوچستان تون اوار سندھ و پنجاب نا جتا جتا اِنگا ہندا تیٹی قوضہ گیر پاکستانی لشکر ، ذیلی فورسز ، بیرہ پن ئنا انتخابی مہم ، سرکاری دفتر ، تنصیبات ، قدرتی وسائل (مڈی) دروک ءُ لاری و گیس پائپ لائن آتے جتا اِنگا نوعیت نا 63 جلہو آتیٹی ٹک کرین ۔ دا جلہوک 28 جنوری آن ہلیس 2 فروری نا نیام ئٹ کننگار ہرافتیٹی دشمن ئے بھاز جانی و مالی نسخان ہرفوئی تما ۔
آواران نا عیلاقہ سیاہ گزی نا ہند آ 31 جنوری آ دشمن لشکر آ جلہو نا وخت آ اسہ تدینی سیٹی براس ئنا سرمچار کماش دلدار ولد علی مراد سگک کولواہ نا ہندی حادثاتی راکٹ نا ترخنگ آن شہید مس ۔ شہید کماش دلدار 2014 آن اتحادی تنظیم بلوچستان لبریشن فرنٹ تون تفوک اسک ۔ یانزدہ سال ئنا وخت ئٹی او جفاکشی و مخلصی تون بلوچ راجی آجوئی نا حصول کے تینا خدمت آتے پورو کرے۔ شہید کماش دلدار کیہی محاذ آتیٹی براس ئنا کاروائی تا بشخ مرِسہ دشمن ئے مِش پکیفے ۔
آواران :
براس ئنا سرمچار آک یکم فروری آ آواران نا ہند پیراندر کنیرہ ئٹی سُہب ئنا ہفت ءُ نیم بجہ نا خڑک پاکستانی لشکر نا اسہ چوکی سے آ جلہو کرِسہ جانی و مالی نسخان تسُر ۔ داکان بیدس شام ئنا 9 بجہ آ آواران نا ہند شاہ گزی ٹی پاکستانی لشکر نا چوکی آ جلہو کرِسہ جانی و مالی نسخان تسُر ۔
براس ئنا سرمچار آک درو سُہب ئنا شش بجہ نا خڑک جھاؤ نا ہند سیڑ ئٹی دشمن لشکر نا چوکی آ جلہو کرِسہ جانی و مالی نسخان تسُر۔ 31 جنوری آ جھاؤ سستگان ئٹی دشمن لشکر نا چوکی ئے ٹک کننگا ۔
اسہ پین جلہو ئسیٹی مشکے بنڈکی ٹی درو دہ بجہ آ پاکستانی لشکر نا چوکی ئے ٹک کننگا ۔ سرمچار آک 30 جنوری آ مشکے نلی ٹی قوضہ گیر پاکستانی لشکر نا کیمپ آ راکٹ ءُ ایلو بھلا سلاہ تیٹ مسہ نیمہ آن ٹک کننگا۔ جلہو ئٹی کیہی لشکری کارندہ آک خلنگار و ٹپی مسُر ۔
سرمچار آک 31 جنوری آ جھاؤ نا عیلاقہ نوندڑہ ٹی قوضہ گیر پاکستانی لشکر نا اسہ چوکی سے و کیمپ ئسے نا تہٹی لاری تے جلہو کریر ۔ آواران نا ہند لباچ کورے ڈاٹ ئٹی سرمچار آک دشمن نا پوسٹ ئے اِرا نیمہ آن راکٹ و بھلا سلاہ تیٹ ٹک کریر ہراڑان کم آن کم دشمن نا اِرا کارندہ کھسک و بھاز ٹپی مس ۔ ہندا دے آ آواران پیراندر زرکوئی ٹی سرمچار آک دشمن نا پوسٹ ئے بھلا سلاہ تیٹ ٹک کریر۔ آواران نا عیلاقہ پیراندر ئٹی اسہ پوسٹ ئسے آ جلہو کرِسہ جانی و مالی نسخان تننگا ۔ سرمچار آک 28 جنوری آ چیری مالار ئٹی قوضہ گیر پاکستانی لشکر نا چوکی سے سلاہ بند جلہو ئٹی ٹک کریر ۔
کیچ :
براس ئنا سرمچار آک تربت شہر ئٹی پارک ہوٹل نا خڑک جوڑ مروک آ دشمن لشکر نا چوکی ئے بمب جلہو ئٹی ٹک کریر ۔ تربت ایئرپورٹ کسر آ پاکستانی لشکر ایف سی نا چوکی و پولیس نا چیکنگ ٹیم آ جلہو کریر ۔
سرمچار آک مند ئنا ہند شیپچار ئٹی جتا اِنگا سلاہ تیٹ دشمن لشکر نا کیمپ و مورچہ آتے ٹک کریر ۔
سرمچار آک تربت ، دیھات ئٹی سی پیک روٹ ئنا ہند آ قوضہ گیر لشکر نا پوسٹ ئے گرنیڈ لانچر آتیٹ کیہی گولہ خلُکر ۔ سرمچار آک جوسک ڈنگر تھانہ ئے گرنیڈ لانچر خلکُر ہراڑان اسہ کارندہ ئس ٹپی مس ۔ داکان ابید تربت سامی کلگ ئٹی دشمن لشکر نا چیک پوسٹ ئے گرنیڈ لانچر ئٹ چھار گولہ خلُکر۔ تربت سامی گیشکور پل ئنا ہند آ جوڑ مروک دشمن لشکر نا چوکی ئے سرمچار آک گرنیڈ لانچر ئٹ کیہی گولہ خلُکر و بھلا سلاہ تیٹ ٹک کریر ۔
سرمچار آک تربت گنّہ ٹی پاکستانی لشکر نا اسہ پوسٹ ئسے آ گرنیڈ لانچر ئسیٹ پنچ گولہ خلُکر ، چوکی نا تہٹی تمِسہ کم آن کم اِرا کارندہ ہمو جاگہ آ خلنگار ۔ تربت آبسر ئٹی ابدرک ئٹی براس ئنا سرمچار آک دشمن لشکر نا چوکی ئے دستی بمب ئٹ جلہو کریر ، چوکی نا تہٹی تراک ئنا سوب آن اسہ کارندہ ئس کھسک و ارِٹ ٹپی مس ۔
براس ئنا سرمچار آک 29 جنوری آ تربت ، ڈنک ئٹی شاہزئی پمپ ئنا خڑک پاکستانی پولیس کارندہ تہ سلاہ تے پلُار ۔ پولیس کارندہ آک سرمچار آتا کسرآ ناکہ بندی کرِسہ اوفتے سلِفنگ نا کوشست ئے کریر سرمچار آک جوابی کاروائی کریر ۔ اسہ پولیس کارندہ ئس نّرہ اسٹ نا سلاہ آتے پُلِسہ اودے خبردار کرِسہ آجو کننگا ۔
گورکوپ جمک ئٹی یکم فروری نا شام قوضہ گیر پاکستانی لشکر نا کیمپ ئے بھلا سلاہ تیٹ ٹک کرِسہ جانی و مالی نسخان تننگا ۔ اِستو 9 بجہ ءُ سی منٹ آ سرمچار آک کوہ کلات سامی ٹی قوضہ گیر پاکستانی لشکر نا پوسٹ آ سلاہ بند جلہو کننگا ۔
گوادر
گوادر ئٹی سرمچار آک ، گھٹی ڈھور گریڈ اسٹیشن نا ہند آ دشمن ئے دستی بمب ئٹ ٹک کننگا ۔
شال :
براس ئنا سرمچاراک شال شہر ئٹی تراک آ تیٹی قوضہ گیر پاکستانی لشکر و انتخابی مہم اڈ تِروک آ دفتر آتے نشانہ کریر ۔ سرمچاراک درو اسپینی کسر آ آئی ای ڈی جلہو ئٹی پاکستانی لشکر ایگل اسکواڈ نا کارندہ آتے امو وخت آ نشانہ کریر ہرا وخت آ او اسکوٹر آ گشت کننگ اسُر ۔ تراک اسہ اسکوٹر ئسے آ مس ہراڑان دشمن لشکر نا کارندہ آتے جانی نسخان رسینگا۔
سرمچاراک قمبرانی روڈ شال آ مسلم لیگ (ن) ئنا انتخابی دفتر آ چغلی بمب ئٹ جلہو کریر ۔
ہندُن قمبرانی روڈ کیچی بیگ ئنا کیب آ آئی ای ڈی جلہو ئٹ پولیس کارندہ آتے نشانہ کریر۔ شال پودگلی چوک آ شام ئنا دہ و چِل منٹ آ پولیس چوکی ئے چغلی بمب ئٹ جلہو کریر ۔
سرمچاراک 31 جنوری نا دے ئنا نیم روچ آ شال، سریاب ئٹی عوامی پمپ ئنا خُڑک آ پیپلز پارٹی نا انتخابی دفترئے چغلی بمب ئٹ نشانہ کریر ۔ ہندُن 31 جنوری نا شام آ سرمچاراک ہزار گنجی ٹی شالکوٹ پولیس تھانہ ئے چغلی بمب ئٹ جلہو نا گواچی کریر ہراڑان اے ایس آئی کارندہ ئس ٹپی مس ۔
قلات :
براس ئنا سرمچاراک قلات ئٹی 28 جنوری آ منگچر نا ہند آ پیپلز پارٹی نا اڈ تِروک آ دفترئے چغلی بمب ئٹ جلہو نا نشانہ کریر ہندُن تدوکا شام آ امو جاگہ آ پیپلز پارٹی نا اِرا دفتر آتے خاخر تِسُر ۔
سرمچاراک 31 جنوری نا شام آ خزینئی نا ہند آ قیمتی او سامان دروکءُ اِرا ٹرک آتے خلیسہ ارافتا ٹائر آتے بھس کریر ۔ سرمچاراک ہندا جاگہ آ اسہ کاروائی سیٹی پین اِرا ٹرک آتے نشانہ کرِسا ٹائر آتے ناکارہ کریر ۔ ہندُن ہندا وخت آ سرمچاراک کسر آنیم گھنٹہ ئس چیکنگ کرِسا کسرئے بند کریر ۔
براس ئنا سرمچاراک 26 جنوری آ قلات نا عیلاقہ شورپارود آ قوضہ گیر پاکستانی لشکر و ڈھکوک ادارہ آتا اڈ تِروک آ ڈیتھ اسکواڈ کارندہ تہ زی آ جلہو کریر ۔ سرمچار آتا جلہو آن اسہ ڈیتھ اسکواڈ نا کارندہ ئس ٹپی حالیت ئٹ
نرّا ۔
خضدار :
براس سرمچاراک خضدار ئٹی 31 جنوری نا شام 7:30 ئنا خُڑک آ پولیس چوکی کھٹان ئے دستی بمب جلہو ئٹی نشانہ کریر ، ہراٹی اَسہ کارندہ ئس ٹپی مس ، ہموخت اَسہ پین دستہ ئس خضدار شہر ئٹی پیپلز پارٹی نا گچین کاری امیدوار ئے ہموخت دستی بمب جلہو نا نشانہ کریر ہراوخت او لاری ٹی اُرا آن پیشن ہننگ اسک۔ سرمچار آک خضدار نا ہند زہری بازار ئٹی جمیعت نا گچین کاری دفترئے دستی بمب جلہو نا گواچی کریر ۔
حب :
براس ئنا سرمچاراک حب سٹی تھانہ ئے اَسہ دستی بمب جلہو ئسیٹی نشانہ کریر۔
مستونگ :
براس ئنا سرمچار آک مستونگ ئٹی سینٹرل جیل آ اَسہ دستی بمب جلہو ئس کریر۔ ہراٹی اَسہ پولیس کارندہ ئس ٹپی مس ، اَسہ پین کاروائی سیٹی مستونگ منتونی ٹی نیشنل پارٹی نا گچین کاری دفترئے دستی بمب جلہو ئٹی نشانہ کریر ۔
خاران ئٹی پیپلز پارٹی نا گچین کار امیدوار میر نور الدین نوشیروانی نا گچین کاری مہم ئکن کارمرز مروکا اُرا آ دستی بمب ئٹ جلہو کریر ۔
نوشکی :
نوشکی سرمچار آک یک فروری شام ئنا نوشکی ٹی ہژدہ خول نا ہند ٹی قوضہ گیر پاکستانی لشکر نا کارندہ ئے خودکار سلاہ تیتون ٹک کریر ، اینو دو فروری آ اَسہ کاروائی سیٹی سرمچار آک نوشکی شار ئٹی پولیس تھانہ ئے دستی بمب جلہو ئٹ ٹک کریر۔
پنجگور :
براس ئنا سرمچار آک سی ءُ یک فروری نا نیامی نن پَنجگُور نا ہند گچک کہن ٹی قوضہ گیر لشکر نا کیمپ آ راکٹ و خودکار سلاہ تیتون جلہو کریر ، ہرانا سوب آن کم ازکم مُسہ دشمن نا کارندہ خلنگار ۔
سرمچار آک 01 فروری نا شام پنجگور چتکان ئٹی چتکان ڈپٹی کمشنر نا دفتر و نادرہ آفس ئے اِرا جتا اِنگا کاروائی تیٹی گرنیڈ لانچر گولہ خلیسہ نشانہ کرین۔ داکان مُست 30 جنوری نا شام پنجگور نا ہند رخشان سبز آپ ئٹی سرمچار آک پاکستانی لشکر نا پوسٹ ئے راکٹ و ایلو سلاہ تیتون جلہو کرسا نسخان تسُر۔
نصیر آباد: براس ئنا سرمچار آک نصیر آباد ئٹی پولیس کارندہ آتے دستی بمب جلہو ئٹی نشانہ کریر۔
ڈیرہ بگٹی سرمچار آک 30 جنوری آ ڈیرہ بگٹی نا ہند پیرکوہ ٹی مُسہ نمبر نا گیس پائپ لائن ئے تراک ئنا شورہ تیٹ بھُس کریر۔
سبی
براس ئنا سرمچار آک 30 جنوری نا شام سبی ٹی مُسہ جتا اِنگا ہند آتا قوضہ گیر پاکستانی لشکر نا اسہ قافلہ ئسے نشانہ کریر۔
سرمچار آک دا جلہوتے مٹھڑی،ڈیرہ مراد جمالی ٹی بائی پاس نا خُڑک و بختیار آباد نا بائی پاس نا خُڑک آ کریر۔ جلہو تیٹی دشمن لشکرئے بھلو جانی و مالی نسخان رسینگا۔
سرمچار آک 31 جنوری آ سبی شہر ئٹی پولیس کارندہ آتے دستی بمب جلہو ئٹی نشانہ کریر۔
سندھ
سندھ ئنا شہر میرپور شاہی کسر نا خُڑک کراچی کن ہنوکا 36 انچ گیس پائپ لائن ئے تراک ئنا شورہ تخیسہ بھُس کننگا۔
سرمچار آک 29 جنوری آ سندھ ئنا ہند کندکوٹ ئٹی سوئی آن کراچی کن ہنوکا گیس پائپ ئے بھُس کریر۔ براس ئنا سرمچار آک 30 جنوری آ سندھ ئنا ہند کشمور ئٹی پولیس نا لاری ئے دستی بمب جلہو ئٹی نشانہ کریر۔
پنجاب: سرمچار آک 31 جنوری آ سوئی آن پنجاب کن ہنوکا 36 انچ نا گیس پائپ لائن ئے صادق آباد،پنجاب ئٹی تراک ئنا شورہ تخیسہ بھُس کریر۔
بلوچ راجی آجوئی سنگر دا پاننگ خوائک کہ بلوچ سرزمین آ قوضہ گیر پاکستان نا بیرہ پن ئنا الیکشن آک ہچ جمہوری عمل نا شاخسانہ افس بلکہ پاکستانی قوضہ ئے جواز تننگ نا ناکامءُ حربہ ئسے، ہرادے براس ہچ وڑ بلوچ سرزمین آ سُہبمند مننگ کن الیپک۔براس ئنا کُل سرمچار آتے ہدایت تننگانے کہ قوضہ گیر نا دا بیرہ پن ئنا گچینکاری نا عمل ئٹ سخت آن سخت جلہو کننگ مرے۔نن بلوچ عوام ئے آگاہ کننگ خوائنا کہ قوضہ گیر نا دا انتخابی عمل و ہچ وڑ ووٹنگ یا پین گچینکاری نا عمل تیان مُر مریر انتئیکہ سرمچار آک دا قوضہ گیری نا عمل ئے ہرا وخت و ہرا جاگہ آ بھلو جلہو تہ نشانہ کننگ کیرہ۔
