تُربَت : ڈی بلوچ آ آپسر آن زوراکی ئٹ بیگواہ مروک آ بندغ آتا خاوت آک اِرا دے ءِ برانز کرِسا سی پیک کسرئے بند کرینو ۔ تُربَت و گْوادر ، کراچی آ ہنوک بروک آ کسر بند ءِ ۔
درو نا پِر و یخ آن پد ہم زوراکی ئٹ بیگواہ مروک آ بندغ آتا خاوت آک برانز ئٹی تولوکءُ ۔ تُربَت سول سوسائٹی نا راہشون گلزار دوست ہم برانز ئٹی ساڈی ءِ ۔
ہندا وڑ ئٹ کیچ ئنا ہند سامی ٹی زوراکی ئٹ بیگواہ مروک آ واحد بخش ولد پیر محمد نا خاوت نا نیمہ آن برانز برجاء ءِ ۔ خاوت نا پاننگءِ کہ تاں وخت اسکان واحد بخش آجو متنے ننا برانز ہندا وڑ برجاء مرو ۔
حوالکارنا رِد ئٹ ہرتوما جاگہ آتا برانزی تہ سوب آن کیچ و پین جاگہ آتا ہن و بر بند ءِ ۔ انگہ کیچ ئنا کالخواہ تہ نیمہ آن زوراکی ئٹ بیگواہ مروک آ بندغ آتا خاوت آتا داخس خواست و برانز آن پد ہم ہچو گام ئس ہرفنگ متنے ۔
