تیوعہ آ بلوچستان ٹی سلسلہ وار تراک و جلہو آ تا سلسلہ برجاء ءِ ۔ اینو سُہب ئنا دے ٹک تننگ تون اوار تیوعہ آ بلوچستان ٹی جلہو آ تا حوال آک بننگءُ ۔
حوال آ تا رد ئٹ بلوچستان نا بھلا شہر کوئٹہ نا ہند مشرقی بائی پاس آن خُڑک تراک مس ہرانا سوب آن مُسہ بندغ ٹپی مسُر ۔
تراک ٹی مظلوم اولسی تحریک نا گچین کاری دفتر ئے بمب جلہو ئٹی ٹک کننگا ۔
ٹپی مروکا بندغ آتے المی علاج کن اسپتال آ دریر ۔
ایلو نیمہ آ تُربَت آن حوال ءِ کہ درو شام نوہ بجہ ئنا وخت آ سامی کلات آ برجاء اِنگا پاکستانی لشکری چوکی آ نا دُرست سلاہ بند بندغ آک جلہو کریر ۔
یاتی مرے کہ اِرا دے آن تیوعہ بلوچستان ٹی 30 آن زیات جلہو مسُنے ہرافتیٹی گیشتر جلہو آک پاکستانی الیکشن کیمپین و پاکستانی لشکر آ مسُنو ۔
یاتی مرے کہ بلوچ آجوئی خواہوک سلاہ بند تنظیم آک فروری ٹی مروکا گچین کاری تیان لس مخلوق ئے مُر مننگ نا پارینو ۔ واہم دا جلو آ تا زمہ واری تے دائسکان کس تنظیم ئس ہرفتنے ۔
