بلوچ لبریشن آرمی نا جارکش آزاد بلوچ پارے کہ بلوچ راج ئنا غیور و باشعور آ الس آن خواست کینہ کہ اوفک الیکشن و بیرہ پن ئنا انتخابات تیان بائیکاٹ کیر 7، 8 فروری آ تینا اُراتے آن پیش تمپس ۔
مُستی پارے کہ بیرہ پن ئنا انتخابات نا بلوچ راج ئتون و بلوچستان تون ہچو فطری یا قانودی جوڑ ئس افک ۔ قوضہ گیر پاکستانی الیکشن نا کمک ئٹ جہان نا خنتیٹی مش شاغنگ خواہک کہ بلوچستان قوضہ مروک اف بلکہ پاکستان نا اسہ قانودی ءُ صوبہ ئسے ۔
نُما ووٹ نما ضمیر نا بدل ءِ تینا ضمیرئے بلوچ آجوئی نا بدل آن پاکستان و بلوچستان نا زورانسری نا رشتہ نا نیام ئٹ اسہ دلار (پاکستانی امیدوار) ئسے نا حق ئٹ داغدار کننگ بلوچ نا عظیم انگا اقدار آتا
پامالی ءِ ۔ نما ووٹ ہزار لمہ ، ایڑ ، چُنا ،بزرگ آتون غداری تون اوار راجی آجوئی کِن قربان مروکا ہزار شہید آتا دتر تون بے توقیری ءِ ۔
ایسر ئٹی اسہ وارس پین خواست کرے کہ اُلس7، 8 فروری آ تینا اُرا تے آن پیش تمپس و الیکشن آن بائیکاٹ کیر ہندا پیغام ئے ہیتر کہ بلوچ راج پاکستانی بےدادی نا برخلاف اوار ءُ اسہ جاگہءُ ۔
