بلوچ لبریشن آرمی نا جارکش جیئند بلوچ تینا شنگ مروکو درشان ئسیٹی پارے کہ آپریشن درہ بولان دائسکان سُمبمندی ئٹ برجاء ءِ و چِل گھنٹہ گدرینگ آن پد ہم مچھ شہر بلوچ سرمچار آتا تیوعہ کنٹرول ئٹیءِ۔
ہنوکا شام سبی آن 18 لاری تہ اسہ فوجی قافلہ ئس مچھ ئٹی سرمچار آتا گھیرہ ٹی پسینگوکا دشمن لشکر نا کُمک کن بننگ نا کوشست کننگ ئس، ہرادے مُست آن پوزیشن ہلوکا سرمچار آتا اسہ دستہ ئس مچھ شہر آن خُڑک گوکرت ہوٹل نا ٹک آ بھلو جلہو ئسیٹی نشانہ کریر۔ دشمن لشکر نا قافلہ ٹی ایف سی تون اوار پولیس، لیویز و کیہی بکتر بند لاریک تُد اسُر۔ سرمچار آک دشمن نا قافلہ ئے اِرا نیمہ آن راکٹ، مشین گن و ایلو بھلا خودکار سلاہ تیٹ نشانہ کریر،ہراٹی دشمن لشکر نا چار کارندہ خلنگا ر و کیہی ٹپی مسُر۔ اوکان پد قافلہ مچھ ئٹی بننگ کتو واپس سبی کن ہنہ۔
جارکش ایسر ئٹ پارے کہ مجید بریگیڈ نا فدائینک ہنوکا شام آن ایف سی کوارٹر نا تہٹی دشمن تون جنگ کننگءُ، ہرا دائسکان برجاء ءِ۔ ہرانا شابیتی حوال آک زوت میڈیا ٹی شنگ کننگ مرور۔
