مُست آن سنگر ہلوکو بندغ آک پاکستانی لشکر نا قافلہ تیا جلہو کریر۔
پاکستانی لشکر نا کیہی لاری تہ قافلہ ئے سبی نا خُڑک مُست آن سنگر ہلوکا بندغ آک مُسہ جاگہ نشانہ کریر ہراکان پاکستانی لشکرئے بھلو کچ ئسیٹی جانی و مالی نسخان رسینگ نا حوالءِ۔
پاکستانی لشکر نا قافلہ آ اولی جلہو سبی نا خُڑک مٹھڑی بائی پاس آ کننگا ہراڑے سلاہ بند بندغ آک راکٹ اتون اوار ایلو بھلا سلاہ تے کارمرز کریر اِرٹمی جلہو ڈیرہ مراد جمالی نا ٹک آ کننگا۔ پاکستانی لشکر آ مُسٹمی جلہوئے سبی بختیار آباد نا خُڑک آ کننگا۔
یاتی مرے کہ بلوچ لبریشن آرمی نا نیمہ آن ہنوکا دے بناء مروکا درہ بولان آپریشن مچھ ئنا جتا جتا اِنگا ہند آتا 25 گھنٹہ آن گیشءِ کہ برجاء ءِ ہراڑے جتا جتا اِنگا ہند آتیان لشکری کارندہ آتا بھلو کچ ئس ہندا عیلاقہ تہ نیمہ ہنِنگ نا کوشست کننگ ءِ۔
بی ایل اے نا نیمہ آن دا آپریشن ئٹی دائسکان 67 پاکستانی لشکری کارندہ آتے خلنگ نا و تینا چار فدائین تہ شہید مننگ نا حوال ئے پک کننگانے۔
