مچھ شار ئٹی بجلی نا بندی ،انٹرنیٹ سروس آن پدموبائل نیٹورک ہم بند کننگا ۔ شار آن زمینی رابطہ ہم 18 گھنٹہءِ کٹ مسُنے۔
بلوچستان نا ہند بولان مچھ ٹی ہنوکا شام بھلو کچ سیٹ جلہو تہ بناء مس، مچھ شار ئٹی سخت سُمکاری و تراک مس، شار ئٹی انٹرنیٹ سروس و بجلی ہم بند کننگا ۔
جلہو نا منہ ساہت آن پد بلوچ آجوئی خواہوک سلاہ بند تنظیم بلوچ لبریشن آرمی میڈیا ٹی شنگ مروکا درشان ئٹی پارے کہ آپریشن درہ بولان نا بناء مسُنے ۔
شام ئنا مچھ آن رسینگوکا حوال آ تا رد ئٹ جلہو کروک آک بھاز اِنگا پوزیشن آتے کنٹرول کرینو۔
