بلوچ لبریشن آرمی نا سرمچار آک آپریشن درہ بولان نا رد ئٹ ہنوکا پانزدہ گھنٹہ آن مچھ و ایب کیب نا ہند آتے تینا قوضہ ٹی کرینو۔ ہندا وخت آ بی ایل اے نا یونٹ اسپیشل ٹیکٹیکل آپریشنز اسکواڈ(ایس ٹی او ایس) ہند ئنا کُل ہن و بر ئنا کسرتہ کنٹرول ئے سنبھالانے، تیوعہ کسر تہ مائین تخنگانے، ہراکان دشمن لشکرئے پین کُمک سر مننگ اف۔ بی ایل اے نا ایلو ایلیٹ یونٹ فتح اسکواڈ پولیس اسٹیشن،ریلوے اسٹیشن تون اوار شہر ئنا جتا جتا اِنگا ہند آتا مورچہ ہلکُنو و دشمن نا سُر ءُ پُرئے ہُننگءُ ، بی ایل اے فدائی ونگ مجید بریگیڈ نا اسہ تیوعہ یونٹ ئس دشمن نا کیمپ ئے گھیرہ کرینے و کیہی ہند آتا کیمپ ئنا تہٹی پیہیسہ مورچہ سنبھالانو۔ مجید بریگیڈ نا فدائین آک تینا آخری سُم و ساہ اسکان دشمن تون جنگ اکن بسُنو۔
دائسکان رسینگوکا حوال آتا رد ئٹ مچھ شہر ئٹی چل ءُ پنچ و پیر غیب ئٹی دہ دشمن کارندہ خلنگانے،پین خلنگ مروک آتا حوال آک مونا برور۔ آپریشن درہ بولان ئٹی دائسکان چار جانباز بلوچ سرمچار شہید مسُنو۔ چار اِنگا شہید مروک آک مجید بریگیڈ نا فدائین ءُ۔ شہید آتا بابت ئٹ شابیتی حوال آک پدا شنگ کننگ مرور۔
نن تینا بلوچ راج ئے دا پیغام ئے تننگ خوائنا کہ دا جلہو نا مسخت تیوعہ راج ئے دا بزدل انگا دشمن نا اوقات نشان تننگ ناءِ دا لغور آ فوج ئنا طاقت تنیامعصوم و بے میار بندغ آتے برمتہ کرسا، اذیت نا گواچی کننگ آن پد سرمچار پارسا دروغ ئنا مقابلہ تیٹی شہید کننگءِ۔ وخت ئس کہ سرمچار آک دافتا مونا بسُنو دافک خلوک آ پیشی نا وڑ تینے تینا کُنڈ آتیٹی ڈکھیرہ۔ہندا سوب آن ہردے دا قوضہ گیر دشمن نا جبر و تشدد نا گواچی مننگ نا جاگہ ،نن سلاہ ہرفسا سرمچار آتا آف تیٹی اوار مرین گُڑا نن دا لغور آ دشمن ئے سال آتیٹی نہ بلکہ توو تیٹی تینا باوہ پیرئی آ سرزمین بلوچستان آن کشنگ کن مجبور کرون۔
او پارے نن دشمن لشکر و معصوم انگا قاتل لشکرئے چیلنج کینہ کہ بلوچ سرمچار آک دا وخت آزاد دے ئنا روشنی ٹی مچھ شہر ئٹی چیرینگءُ،پردہ نا خیرہ پروپیگنڈہ کننگ نا جاگہ بر مون پہ مون مقابلہ کر و راستی ئے نشانہ تننگ کن تینا تینا میڈیا ئے ہم تینتون ہتہ، تاکہ چائنگ مرے کہ آئی ایس پی آر نا نغمہ و مطالعہ پاکستان نا کتاب آتیان پیش نا بہادری نا کچ و اوقات انتءِ۔
