سندھ پاکستانی لشکر نا دُو آن اِرا سندھی باسک زوراکی ئٹ بیگواہ کننگار ۔
سندھ آن پاکستانی لشکر اِرا سندھی قوم پرست باسک آتے دزگیر کننگ آن پد زوراکی ئٹ بیگواہ کرے ۔ بیگواہ مروکا باسک آتا پجار امیر جمالی و ارشاد نوحانی نا پن ئٹ مس ۔
سندھ ئٹی بِناء مروک بیگواہ آ بندغ آتا تنظیم وائس فار مسنگ پرسنز آف سندھ ئنا راہشون سورٹھ لوہار لشکر دُو آن ارتوما ورنا تہ زوراکی ئٹ بیگواہی ئے حوال ئے پک کرِسا اینو برانز نا پِڑو کرے ۔
ہندا وڑ ئٹ مائیکرو بلاگنگ ویب سائٹ ایکس آ وائس فار مسنگ پرسنز آف سندھ ہینڈل آن تنظیم نا راہشون سورٹھ لوہار تینا اسہ درشان ئسیٹی پارے کہ دادو آن سندھ سبھا باسک امیر جمالی و سیہون قومی باسک ارشاد نوحانی ئے پاکستانی لشکر نا ڈھکوک ادارہ آک زوراکی ئٹ بیگواہ کرینو ۔ ہرانا آجوئی کن اینو برانز کننگ اُن ۔
