بی ایل ایف نا جارکش میجر گہرام بلوچ تینا شنگ کروکا درشان ئٹی پارے کہ سرمچار آک اِستو شام ئنا ہفت بجہ آ کیچ ئنا بھلا شار تربت ئٹی سُمکاری کرِسہ ایم آئی نا کارندہ زاہد محمود ولد انور حیدر آباد نا ہندی ئے خلُکر ۔
زاہد محمود ملٹری انٹیلیجنس (ایم آئی) نا حاضر سروس کارندہ ئس اسک ۔ او ہنوک آ چھار سال آن تربت ئٹی تعینات اس۔ننا انٹیلجنس ونگ اودے اسہ سال ئسے آن ٹریک کننگ ئٹی اسک ۔ او جتائنگا دروشم ئٹ ہندی آبادی ٹی ڈکھوک وڑ ئٹ کاریم تون اوار ایم آئی کین نیٹ ورکنگ کریکہ ۔ تربت ئٹی لینڈ مافیاز ہندا ایم آئی نا کارندہ نا کمک ئٹ بندغ آتا زمین تے آ قوضہ کریرہ۔
تنظیم نا انٹیلجنس ونگ نا اطلاع غا اِستو شام آپریٹنگ اسکواڈ سُمکاری کرِسہ اودے خلک۔جلہو نا وخت آ ہندی جاسوس ( یارجان عرف یاری ) ایم آئی نا کارندہ سولبند کیچ ئنا ہندی اوڑتون اوار اسک ۔ محمود ئے ٹک کننگ آن پد او سُمکاری کرے و نرنگ ئٹی سرسہب مس ۔ سرمچار آک اوڑے لس مخلوق نا ساڑی مننگ نا سوب آن بھاز سُمکاری کتوَس تاکہ لس آبادی ئے نسخان مف ۔
31 جولائی 2023 آ ننا سرمچار آتے ڈکھوک معلومداری رسینگ نا بنیاد آ سیٹلائٹ ٹاؤن تربت ئٹی اسہ مطلوبہ بندغ ئسے برمتہ کننگ کے چھاپہ خلکر تو ہمو دے یارجان عرف یاری سرمچار آتا کسر نا ہلنگ نا کوشست ئے کرے ارانا سوب آن سرمچار آک اودے ٹک کریر و او ٹپی مس ۔
نن اسہ وارس پین الس آن خواست کینہ کہ ریاستی مخبر آتے آن فاصلہ تخیر تاکہ کس ئے نسخان مف ۔
بلوچستان لبریشن فرنٹ دا جلہو نا ذمہ واری ئے ہرفک ۔ مقصد نا حصول اسکان قوضہ گیر فورسز و اونا کمک کار آتا جلہوک برجاء مرور ۔
