بلوچستان نا ضلع خضدار و پَنجگُور ئٹی سلاہ بند بندغ آتا سُمکاری آن اِرا بندغ خلنگار و اسٹ ئس ٹپی مس ۔
شابیتی حوال آ تا رد ئٹ خضدار نا ہندزہری بازار ٹی مرکزی چوک آ نادُرست سلاہ بند بندغ سُمکاری کرسا اَسہ بندغ ئسے خلکُر و اسٹ ئسے ٹپی کریر۔
تدینی آن پد جلہو کار آک نرنگ ئٹی سر سُہب مسُر۔
ایلو نیمہ آ پَنجگُور نا تحصیل کچگ ئٹی سلاہ بند بندغ آ تا سُمکاری آن فدا احمد ولد جان محمد پنی و بندغ ئس خلنگا ۔
خلنگ مروکا بندغ نا خاوت میت تون اوار ڈپٹی کمشنر پَنجگُور نا آفس نا مون آ برانز کریر ۔
خاوت نا خواستءِ کہ خلوک آتا برخلاف ایف آئی آر نوشتہ کننگ مرے۔
