کیچ: ہوشاپ ئٹی زوراک آ پاکستانی لشکر چھاپہ خلیسہ اِرا ورناتے دزگیر کننگ آن پد بیگواہ کرے۔
زوراکی ئٹ بیگواہ مروکا ورنا تہ پجار حمل ولد قادر بخش و اسلم ولد کریم بخشءِ ہرافتے استو شام ئنا سئے بجہ آ پاکستانی لشکر و ڈکھکوک ادارہ آتا کارندہ آک اُراغہ چھاپہ خلیسہ دزگیر کرے۔ زوراکی ئٹ بیگواہ آ ورنا حمل ہشتمی جماعت نا و اسلم دہُمی جماعت نا خوانندہ سے۔
یاتی مرے کہ استو پاکستانی لشکر تجابان سنگ آباد چھاپہ خلیسہ بہادر چاکر پنیءُ ورناس ئے دزگیر کننگ آن پد بیگواہ کرے اونا خاوت برانز کرسا سی پیک کسرئے بند کرے۔
