بی وائی سی نا راہشون ماہ رنگ بلوچ تینا اسہ پیغام ئسیٹی پارے کہ کُل بلوچستان نا لُمہ، ایڑ تیان خواست کیوہ کہ پگہ اوفک کوئٹہ ٹی عوامی جلسہ نا بشخ مریر۔
او پارے کہ زالبول آک چاگڑد نا ہمو وڑ بشخءُ کہ ہرا وڑ نرینہ آکءُ۔ بلوچ نسل کشی نا برخلاف برجاء انگا دا تحریک تیوعہ بلوچ آتاءِ۔ ہراٹی ننا زالبول ،نرینہ آک اوارءُ۔
او پارے کہ ای اُمیت کیوہ کہ پگہ نا عوامی جلسہ ٹی بلوچ زالبول آتا بھلو کچ ئس اوار مرو۔
او پارے کہ ای تینا راج خواست کیوہ کہ بلوچ یکجہتی کمیٹی نا جوڑ کروکا ضابطہ اخلاق آ عمل کیر و ہچ دنو کاریم ئس کپس ہراڑان دشمن ئے فائدہ رسینگءِ۔
او پارے ای اُمیت کیوہ ننا راج ریاست نا کُل سازشت آتے بے سُہب کرو۔
کُل بندغ آتے پاننگک کہ او بی وائی سی نا رضاکار آتیتون تعاون کیر۔ اسٹ ایلو تون نرمی و اخلاق ئٹ پیش مریر۔ سیکورٹی معلومات کن انتظامیہ و پولیس تون تیوعہ تعاون کیر،اوفتون ہم اخلاق نا مظاہرہ ئے کیر۔
