جہانی بندغی حق آتا ادارہ (آئی ایچ آر ایف) The International Human Rights Foundation چاگڑدی میڈیا ایکس آ شنگ کننگوک بیان ئسیٹی پارے اوفتا راہا عکس آتا ثبوت ارے کہ پاکستانی فوج افغانستان نا سیمی ہند پکتیا ٹی شام ئنا 7:00 بجہ غا بمباری کرسا عام مخلوق ئے نشانہ کرینے۔
جہانی ادارہ نا رد ئٹ پاکستانی فوج پٹھان ڈسرکٹ ئٹی عام بندغ آتا بمباری کرے ہراٹی چار بندغ خلنگا، خلنگوک آ تیٹی اِرا چُنا ہم اوارءِ و 16 عام بندغ ٹپی مسونے۔
جہانی ادارہ تینا بیان ئٹی پارے کہ دا اسہ سیمی جنگ ئس افک بلکہ جہانی بندغی حق آتا پاش برخلافی سے۔ آئی ایچ آر ایف دا جلہو تہ سخت انگا لوزاتیٹی مذمت ئے کیک۔
بیان نا ایسر ئٹ جہانی ادارہ خواست کرے کہ زوت جنگ بندی کننگے و اسہ صافءُ پٹ و پول کننگ مرے و ڈوہدار آتے سزا تننگے۔
