ضلع کیچ ئنا تحصیل بلیدہ نا ہند میسکین ڈور آن اسہ جون ئس خننگا، ہرانا چائنداری بلیدہ میناز نا ہندی نصرم پیربخش نا پن ئٹ مسُنے۔
جون آ کیہی سُم تا نشان آک اریر۔ جون ئے ٹیچنگ اسپتال تربت آ سر کننگانے۔
خاہوت نا رد ئٹ نصرم پیر بخش ئے پاکستانی فوج اکتوبر 2023 آ زوراکی ئٹ بیگواہ کریسس۔ پدا او جون 2024 ئٹی آجو مسس۔ واہم ایلو وار 14 اگست 2024 آ اودے پدا بیگواہ کننگا و اینو اونا جون خننگانے۔
یات مرے کہ ہندا سال بلوچستان ئٹی زوراکی ئٹ بیگواہ کننگوک آ بندغ آتا قتل و جشوک آ جون آتا خننگ نا تدینیک زیات مسنو، ہرانا سوب آن خاہوت آک تینا بندغ آتا سلامتی کن سخت پریشانی و خُلیس نا گواچی ءُ۔
