بلوچ آجوئی خواہوک آ جہد کار سفر خان و شاہ محمد نا لُمہ خان بی بی کزیت کرینے۔
زرمبش حوالکار نا رِد ئٹ شاہ محمد ءُ سفر خان آواران نا ہند مشکے ءُ جھاؤ نا نیامی آ مش دراجکور نا جہی ءُ، اوفتا لُمہ خان بی بی درو کزیت کرینے۔
دا خاہوت ئے دہ سال آن زیات ءِ کہ بلوچ راجی آجوئی جہد ٹی اوار ءُ پاکستانی لشکر نا کُنڈان کیہی وار اوفتا اُراتے ہُشنگانے۔ 2017 ٹی پاکستانی لشکر نا کُنڈان جوڑ کروک ڈیتھ اسکواڈ نا سُم کاری ٹی اوفتا ایڑھ ئس ہم ٹپی مسنے۔ اوفتا چُنک سال آ اِلہ مار کمال بلوچ ئے 4 فروری 2016 ٹی پاکستانی لشکر دراجکور آن بیگواہ کرسا منہ تو آن پد اونا جون ئے آواران ٹی بٹینے۔
جہی حوالکار نا رِد ئٹ دا خاہوت ئے دہ سال آں زیات ءِ تینا باوہ پیرئی ہنکین تیان ہمپفنگ مسنو و باہوٹی زند گداریفنگ ئٹی ءُ۔
