بلوچستان لبریشن فرنٹ نا ترجمان میجر گھرام بلوچ میڈیا غا شنگ کروک بیان ئسیٹی پارینے کہ 21 فروری آ بارکھان نا علاقہ دوہلہ ندی نا خُڑک آ پولیس چوکی ئے گھیرہ کرسا، سرمچارک چوکی ٹی ساڑی مسِٹ انگا پولیس کارندہ غاتے دزگیر کرسا اوفتا سرکاری سلاہ تے دوئی کریر۔ پٹ ئہ پول کننگ آن پد دا معلوم مسک کہ دا کارندہ غاک تحریک نا برخلاف کاریم تیٹی اوار الّوس ہندا سوب آن سرمچارک پولیس کارندہ غاتے یلہ کریر۔
پین اسِہ کاروائی ئسیٹی ہندا پولیس چوکی آن مچٹ سِستہ جوڑشتی کمپنی آ سرمچارک جلہو کریر، اوڑے ساڑی مُسِہ کارندہ دزگیر کریر ہرا دا وخت آ تنظیم نا دزگیر ٹی ءُ و اوفتان سرسوج برجاء ءِ۔
میجر گھرام بلوچ پارینے کہ بلوچستان لبریشن فرنٹ بارکھان نا علاقہ دوہلہ ندی ٹی ساڑی پولیس چوکی آ کوزہ و سرکاری سلاہ تے دوئی کننگ، جوڑشتی کمپنی آ جلہو و کارندہ غاتا دزگیری نا ذمہ واری ئے ہرفک۔
