ملیر نا علاقہ شاہ لطیف ٹاؤن ئٹی سئے شمبے نا نن پولیس مقابلہ سیٹی چار بندغ ئے خلنگ نا دعویٰ کرینے، ہرافک مُست آن بیگواہ ءُ و اوفتا بیگواہی نا درخواست آک ہم عدالت آتیٹی جمع کننگانو۔
خلنگ مروکا بندغ آتان مُسٹ نا چائنداری جلیل ولد نور محمد، نیاز قادر ولد قادر بخش و حمدان عرف حکیم ولد محمد علی نا پن تیٹ مسُنے و چھارمیکو بندغ نا چائنداری داسکان متنے۔
تدینی آن پد خاہوت آک پولیس نا بیان ئے دروغ پارِسہ اودے مشکوک پارینو و اوفتا پاننگ ءِ کہ خلنگ مروکا بندغ آک مُست آن بیگواہ ءُ و اوفتا آجوئی کن عدالت آتیٹی درخواست ہم جمع کننگانے۔
