پاکستانی لشکر اُرا اُرا ٹی پٹ ئہ پول کننگ نا وخت ہندی بندغ آتے لٹ ئہ کٹ کرینے و بیست ءُ دو بندغ ئے زوراکی ئٹ بیگواہ کننگانے۔
نوشکی آن حوال ءِ کہ پاکستانی فوج بھلو کچ ئسیٹی کلی مینگل و قادر آباد نا علاقہ غاتے گھیرہ کرسا اُراتیٹی پٹ ئہ پول کرینے، لشکر کشی نا وخت اُراتا گڑاتے پرغانے و بندغ آتیا زوراکی کرینے۔
یات مرے کہ ہنوکا کیہی دے آن نوشکی نا جتا جتا علاقہ تیٹ لشکر کشی برجاء ءِ و کیہی بندغ آتے زوراکی ئٹ بیگواہ کننگانے۔
اینو بیگواہ کننگوک آ بندغ آتا چائنداری داسکان متنے، واہم آخری حوال اسکان علاقہ ٹی پاکستانی فوج ئنا گھیرہ برجاء ءِ۔
