حوال تا رد ئٹ ضلع کیچ ئنا ہند دشت شولی نا ہندی کمال ولد حاجی داد محمد ئے پنچ شمبے نا دے جیونی نا خُڑک ہمو وخت سُمکاری ٹی نشانہ کننگا ہراتم او کنٹانی ہور آن گوادر آ ہننگ ئٹی اسک۔ خنوک آتا رد ئٹ جلہوکار آک اسہ لاری سیٹی سوار اسُر و سُمکاری آن پد نرار۔
ہندی حوال تا رد ئٹ سُمکاری ٹی کمال ہمو جاگہ آ ساہ تس۔ ہندی بندغ آتا رد ئٹ جلہوکار آک سرکاری ڈیتھ اسکواڈ نا بندغ ءُ۔
خاہوت نا رد ئٹ کمال بلوچ ئے اکتوبر 2024 ئٹی زوراکی ئٹ بیگواہ کننگاسس۔ اِرا تو ئنا بیگواہی آن پد اودے یلہ کریسُر۔
آجوئی آن پد او گوادر نا اسہ عدالت ئسیٹی پیشی کن ہننگ اسک کہ فقیر کالونی نا علاقہ ٹی اوڑا سُمکاری کننگا ہراڑان او بھاز ٹپی مسک۔
ارٹمی وار پدا اودے نشانہ کننگا ہراڑان او ساہ تس۔
