بلوچی زبان نا پنی آ شاعر مجید عاجز عمان ئٹی کذیت کرے۔
حوال تا رد ئٹ مجید عاجز کیچ ئنا ہند بالیچہ نا ہندی ئسے ، ہرا بلوچستان ئٹی حالیت آتا خراب مننگ نا سوب آن بھلو وخت ئس مریک کہ مسقط ئٹی مسنے۔ پاننگ مننگ ءِ کہ مجید عاجز مسقط ئٹی اُست ہلنگ نا سوب آن کذیت کرینے۔
مجید عاجز بلوچی زبان نا اسہ انقلابی شاعر ئس اسک، اونا بھاز آ شعر آتے بلوچی زبان نا گلوکار آک پارینو۔
مجید عاجز نا کذیت آن پد چاگڑدی میڈیا ٹی بلوچی ادب نا بندغ آتون اوار جتا جتا بشخ آتیان سیالی تخوکا بندغ آک اُست ہُسونی نا درشانی کننگ ءُ۔
