بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ ننا سرمچارک 10 فروری 2026 آ خضدار نا ہند کٹھان ئٹی زوراک آ پاکستانی فوج ئنا کیمپ آ دستی بمب ئٹ جلہو کریر۔ دستی بمب سنگر نا تہٹی تما ہراڑان دشمن ئے جانی و مالی نسخان ہرفوئی تمانے۔
ترجمان گہرام بلوچ مُستی پارے کہ سرمچار آتا جلہو آن پد فوج سُمکاری کرینے و ایف سی نا کارندہ غاک پولیس نا پوشاک ئٹی گشت کرسا کسر تے تفینو ولے سرمچارک سلامتی ئٹ پیش تمانو۔
میجر گہرام بلوچ جلہو نا ذمہ واری ئے ہرفسہ پارے کہ پولیس ئے خبڑدار کینہ کہ اوفک فوج، ایف سی و ڈھکوک ادارہ تا کمک ئے بند کیر نہ تو گُڑا پولیس ئے ہم فوج ئنا کمک کننگ آ سرمچارک نشانہ کرور۔
