مستونگ آن خَدو پاکستانی لشکر نا دُو آن زوراکی ئٹ بیگواہ کننگوک حزب اللہ شاہوانی نا خاہوت سرکار آن اونا آجوئی نا خواست کرینے۔
خاہوت پارینے کہ حزب اللہ شاہوانی ولد غلام قادر شاہوانی ئے پاکستانی لشکر 22 جولائی 2025 آ مستونگ نا ہند پیرکانو ٹی اونا اُراغان دزگیر کرسہ بیگواہ کرینے۔
او پاریر کہ حزب اللہ ہفت تو گدرینگ آن پد آجو کننگ متنے، اونا بارو ئٹ ننے ہچو ڈس ئس تِننگ متنے کہ او امر ءِ۔
خاہوت سرکار آن خواست کرسہ پارینے کہ حزب اللہ شاہوانی زوت آجو کننگ مرے، اگہ اوڑا دوبہ ئس ارے گُڑا اودے عدالت ئٹ ہتِنگ مرے۔
