بلوچستان نا ضلع کیچ ئنا علاقہ ہوت آباد آن پاکستانی لشکر چھاپہ خلوک کاروائی تیٹی کیہی بندغ آتے دزگیر کرینے۔
جہی بندغ آتا رِد ئٹ لشکر چھاپہ خلنگ نا وخت ریاض، یعقوب، داد کریم، جلیل، سلیم، علی بخش، ساجد، شاہ جان، ولی و ریاض حسن تون اوار کیہی بندغ آتے بیگواہ کرینے۔
یات مرے کہ بلوچستان اسِہ بھاز بھلو بہران ئسے آن گدرینگ ءِ۔ بندغی حق آتا ادارہ غاتا رِد ئٹ کیہی بندغ آتے دزگیر کننگ آن پد سرکاری حساب ئٹ جہہ ئس دننگانے، و اوفتا بابت ئٹ اوفتا خاہوت آتے ہچو حوال ئس تننگ متنے۔
