نصیر آباد نا ہند نوتال ئٹی نادُرست سلاہ بند بندغ آک ریلوے ٹریک ئے تراک ئنا شورہ تیئٹ بھُس کریر۔
حوال تا رد ئٹ تراک ئٹی ٹریک ئے بھاز نسخان مسنے و ریل ئے توننگانے۔ تراک آن پد فوجی کارندہ غاک بھلو کچ ئسیٹی جلہو جاگہ غا مُچ مسنو۔
ایلو نیمہ غا سلاہ بند بندغ آک تربت و دشت ئنا نیام ئٹی لوڑی نا جنگ جاگہ آ سی پیک کسر ئے نُہہ بجہ آن ہلیس دہ ءُ نیم بجہ اسکان تفِسہ لاری تے پٹ ئہ پول کرینو۔
ہندا وخت سلاہ بند بندغ آک ناکہ بندی نا خُڑک ئنا پولیس چوکی آ جلہو کریر و اوفتا سلاہ تے تینتون دریر۔
دا کاروائی تا ذمہ واری تے داسکان ہچو تنظیم ئس ہرفتنے۔
