آواران آن خننگوک جون تا چائنداری ایاز بلوچ ولد دوست محمد و ظریف بلوچ ولد مستری فقیر محمد نا پن ئٹ مسنے۔
پن کروک بندغ آتے پاکستانی لشکر جتا وخت آتیئٹ دزگیر کرسہ زوراکی ئٹ بیگواہ کریسس۔
ایاز بلوچ کولواہ ،گیشکور نا خلک سنڈم نا جہی ئسے ۔ اودے 16 اکتوبر 2025 آ امداد بلوچ پنی ءُ بندغ ئسیتون اوار دزگیر کننگانے ہراڑان پد او بیگواہ مسُنے۔
ظریف احمد کولواہ نا ہند مالار سیارہ کل نا جہی ئسے ۔اودے 28 ستمبر نا نن ئٹ اونا اُراغان آدم حسین ولد عبداللہ تون اوار دزگیر کننگانے ہند آدم حسین یلہ مس و ظریف احمد بیگواہ مسُنے۔
تومکا بیگواہ غا بندغ آتا جونک سئے شمبے نا دے آ آواران نا ہند بریت آن خننگانو۔
ایلو نیمہ غا سوراب ماراپ چانڈوخی نا ہند آ کسر نا پہناد آ اسہ بندغ ئسے نا جون خننگانے۔ ہرادے نادرست سلاہ بند بندغ آک سُمکاری کرسہ کھسفینو ۔جون ئنا چانداری میر خان ولد بھائی خان مڑداشہی نا پن ئٹ مسُنے ہرا ماراپ نا جہی ئسے۔
